فوتو: halyq-uni.kz
18 تامىز كۇنى تەمىرتاۋ قالاسىنىڭ جۇقپالى اۋرۋلار اۋرۋحاناسىنا 36 اسكەري قىزمەتشى جاتقىزىلعان.
«31 اسكەري قىزمەتشى الدىن الا قويىلعان ىشەك ينفەكتسياسى دياگنوزىمەن جانە 5 اسكەري قىزمەتشى ءجىتى رەسپيراتورلىق ۆيرۋستىق ينفەكتسيالار دياگنوزىمەن جاتقىزىلعان. قاجەتتى ەپيدەمياعا قارسى ءىس-شارالار وتكىزىلدى», دەلىنگەن ۇلتتىق ۇلاننىڭ «ورتالىق» وڭىرلىك قولباسشىلىعى تاراتقان حابارلامادا.
قازىرگى ۋاقىتتا ساربازداردىڭ دەنساۋلىعى بىرقالىپتى, قاناعاتتانارلىق دەڭگەيدە ەكەنى ءمالىم بولدى.
بۇگىندە اۋرۋ بويىنشا جاڭا شاعىمدار تىركەلمەگەن. وسى ءىس بويىنشا قىزمەتتىك تەرگەۋ جۇرگىزىلىپ جاتىر.
