فوتو:ۆيدەودان الىنعان كادر
ەسكە سالا كەتەيىك, «Rizyq» كافەسىنىڭ باسشىسى «ۋ» ەسىمدى سوتتالۋشى گاز جابدىقتارىن قولدانۋدىڭ بەلگىلەنگەن ەرەجەلەرىن بۇزىپ, سالدارىنان مەيرامحانا عيماراتىنىڭ ءبىر بولىگى قۇلاعان ەدى. سالدارىنان ءۇش ادام قازا بولىپ, بەس ادام ءار ءتۇرلى دارەجەدەگى دەنە جاراقاتتارىن العان.
وبلىستىق پروكۋراتۋرانىڭ حابارلاۋىنشا, سوت وتىرىسى بارىسىندا سوتتالۋشى كىناسىن مويىنداماي, بارلىق جاۋاپكەرشىلىكتى جۇمىسشىلارىنا ارتپاق بولعان. الايدا مەملەكەتتىك ايىپتاۋشىنىڭ ءپرينتسيپتى ۇستانىمى جانە سوتقا ۇسىنعان سوتتالۋشىلاردىڭ كىنالىلىگىن راستايتىن بۇلتارتپاس دالەلدەمەلەرى ايىپتاۋ ۇكىمىن شىعارۋعا ىقپال ەتكەن.
«ناتيجەسىندە سوت سوتتالۋشىنى قازاقستان رەسپۋبليكاسىنىڭ قىلمىستىق كودەكسىنىڭ 292-بابىنىڭ 3-بولىگىمەن كىنالى دەپ تانىپ, مەكەمەلەردە اكىمشىلىك-شارۋاشىلىق جانە ۇيىمداستىرۋشىلىق-وكىمدىك قىزمەتپەن اينالىسۋ قۇقىعىنان 3 جىلعا ايىرا وتىرىپ, 5 جىل باس بوستاندىعىنان ايىرۋ تۇرىندەگى جازا تاعايىندادى», دەلىنگەن حابارلامادا.
سوت ۇكىمى زاڭدى كۇشىنە ەنگەن جوق.
