فوتو: ۇكىمەت
جىلىتۋ ماۋسىمىنا دايىندىقتى قاراۋ قورىتىندىسى بويىنشا پرەمەر-مينيستر ولجاس بەكتەنوۆ جاۋاپتى مينيسترلىكتەرگە بىرقاتار تاپسىرما جۇكتەدى.
ەنەرگەتيكا, ونەركاسىپ مينيسترلىكتەرىنە ءوڭىر اكىمدىكتەرىمەن بىرگە جىلۋ كوزدەرى مەن جىلۋ جەلىلەرىندە جوندەۋ جۇمىستارىنىڭ ۋاقتىلى اياقتاۋ تاپسىرىلدى.
ال ونەركاسىپ جانە قۇرىلىس مينيسترلىگى, ءوڭىر اكىمدىكتەرى قىركۇيەككە دەيىن ءبىلىم بەرۋ وبەكتىلەرىنىڭ تولىق دايىندىعىن, ال 15 قازانعا دەيىن دەنساۋلىق ساقتاۋ, تۇرعىن ءۇي-كوممۋنالدىق شارۋاشىلىق جانە تۇرعىن ءۇي قورى وبەكتىلەرىنىڭ ءازىر بولۋىن قامتاماسىز ەتۋى ءتيىس.
«وقۋ-اعارتۋ, عىلىم جانە جوعارى ءبىلىم, دەنساۋلىق ساقتاۋ مينيسترلىكتەرى دە بۇل ماسەلەنى باقىلاۋعا السىن. كولىك مينيسترلىگى, قازاقستان تەمىر جولى كومپانياسى جانە ءوڭىر اكىمدىكتەرى بەكىتىلگەن كەستەگە سايكەس كوممۋنالدىق-تۇرمىستىق كومىر مەن مازۋت كولەمىن ۋاقتىلى جەتكىزۋ بويىنشا شارالار قابىلداسىن. الەۋمەتتىك كومىردى بيزنەس سۋبەكتىلەرىنە ساتۋعا جول بەرۋگە بولمايدى. بۇل كومىر حالىققا ساتۋ ءۇشىن باعىتتالۋى شارت», دەدى ولجاس بەكتەنوۆ.
