ۇستازدارعا ارنالعان بىلىكتىلىكتى ارتتىرۋ كۋرسى 5-16 تامىز ارالىعىندا الماتى قالاسىندا ءوتتى. اتالعان ءدارىس ساباقتارى «ورلەۋ» باۇو» اق فيليالى الماتى وبلىسى بويىنشا كدي ورتا ءبىلىم بەرۋ جۇيەسىنىڭ پەداگوگ قىزمەتكەرلەرىنىڭ بىلىكتىلىگىن ارتتىرۋ كۋرستارىنىڭ جوسپارىنا سايكەس وتكىزىلدى.
«پەداگوگيكا جانە پاندىك ادىستەر» كافەدراسىنىڭ اعا وقىتۋشىسى ءلاززات دۇنگەنبايقىزىنىڭ جەتەكشىلىگىمەن وتكەن دارىستەردە توپوگرافيا جانە كارتوگرافيا سالاسى, ونىڭ ىشىندە گەوگرافيالىق زەرتتەۋلەردە كارتوگرافيالىق ادىستەردى قولدانۋ جانە كەڭىستىكتەگى اقپاراتتاردى تالداۋعا ارنالعان ستاتيستيكالىق دەرەكتەردى وڭدەۋدى ۇيرەندىك. قاتىسۋشىلارمەن وقۋشىلاردىڭ جان-جاقتى داعدىلارىن دامىتۋدىڭ زاماناۋي نىساندارى مەن ادىستەرىن قولدانۋ جانە ەنگىزۋ بويىنشا تاجىريبە الماستىق. وقۋشىلاردىڭ فۋنكتسيونالدىق ساۋاتتىلىعىن قالىپتاستىراتىن ساباقتى رەسىمدەۋدە كەزدەسەتىن قيىندىقتار مەن پروبلەمالاردى انىقتاۋ, ءبىلىم ساپاسىن ارتتىرۋ مىندەتتەرىن ورىنداۋدى قامتاماسىز ەتۋ ءۇشىن دەر كەزىندە شارالار قابىلداۋ, جوبالىق ءىس-ارەكەتتەر ارقىلى وقۋشىلاردىڭ بويىندا قۇندىلىق قاسيەتتەردى دامىتۋدىڭ جاڭا پەداگوگيكالىق يدەيالارى كورسەتىلدى.
گەوگرافيالىق اقپاراتتىق جۇيەلەردىڭ تيىمدىلىگىن ۇيرەنىپ, كومپيۋتەرلىك وڭدەۋ تەحنولوگيالارىمەن تانىستىق. وسى كۋرستان العان ءبىلىمىمىزدى دارىندى وقۋشىلاردى دايىنداۋ ءۇشىن قولدانامىز.
گۇلناز ادەنوۆا,
«د.ا.قوناەۆ اتىنداعى №1 قازاق ورتا مەكتەپ»
مەملەكەتتىك كوممۋنالدىق مەكەمەسىنىڭ گەوگرافيا ءپانىنىڭ مۇعالىمى
