سوڭعى كۇندەرى «سەمەي ورمانى» مەملەكەتتىك ورمان تابيعي رەزەرۆاتىندا ءورت وقيعالارى جيىلەپ كەتتى. 17 تامىز كۇنى 5 جەرگە قىزىل جالىن جايىلعان.
ء«ار جەرگە ءورت ءسوندىرۋ بەكەتىنىڭ قىزمەتكەرلەرى شۇعىل جەتىپ, ءتىلسىز جاۋمەن كۇرەسكە ءتۇستى. دەر كەزىندە قابىلدانعان شارالاردىڭ ارقاسىندا بارلىق جەردەگى ءورت ءسوندىرىلدى. انىقتالعانداي, 5 جەردە دە وتتىڭ شىعۋىنا – نايزاعاي سەبەپ بولعان», - دەلىنگەن «سەمەي ورمانى» مەملەكەتتىك ورمان تابيعي رەزەرۆاتىنان تاراتقان اقپاراتتا.
ەسكە سالساق, 15 تامىز ساعات 18:00-دەن 16 تامىز 13:00-گە دەيىن اتالعان ورمان قورى اۋماعىندا شىققان 18 ءورت اۋىزدىقتالعان بولاتىن.
