ماراپات يەلەرىنىڭ مارتەبەسى ءوستى

پارلامەنت ءماجىلىسىنىڭ توراعاسى ورال مۇحا­مەدجا­نوۆ­تىڭ جەتەكشىلىگىمەن وتكەن وسى پالاتانىڭ سوڭعى جالپى وتىرى­سى دەپۋتاتتاردى ماراپات­تاۋدان باستالدى. تمد پارلامەن­تارا­لىق اسسامبلەياسىنىڭ “سودرۋ­جەستۆو” وردەنىمەن ءماجىلىس دەپۋتاتتارى ۇزاققالي ەلەۋباەۆ, ساتىبالدى يبراگيموۆ, گۇلجان قاراعۇسوۆا, ۆلاديمير نەحو­روشەۆ جانە كەنجەعالي ساعا­ديەۆ ماراپاتتالدى. سونداي-اق تمد پاا كەڭەسىنىڭ قۇرمەت گرامو­تاسىنا ءماجىلىس دەپۋتات­تارى بەكەن ءالىمجانوۆ, بەرىك بەك­جانوۆ, قىلىشباي بيسەنوۆ جانە رامازان سارپەكوۆ يە بولدى. دەپۋتاتتاردى ماراپات­تارىمەن قۇتتىقتايمىز. “ەگەمەن-اقپارات”. حالىقارالىق تاجىريبەلەر تاعىلىمى سەناتتىڭ قارجى جانە بيۋدجەت كوميتەتىندە “قازاقستان رەسپۋب­لي­كاسىنىڭ كەيبىر زاڭنا­مالىق اكتى­لەرىنە ساقتاندىرۋ ماسەلەلەرى بو­يىنشا وزگەرىستەر مەن تولىق­تىرۋلار ەنگىزۋ تۋرا­لى” زاڭ جوباسى تالقىلاندى, دەپ حابارلادى وسى پالاتانىڭ باسپا­سوز قىزمەتى. زاڭ جوباسى قازاقستان رەس­پۋب­ليكاسىنىڭ قارجى سەكتورىن 2007-2011 جىلدارى دامىتۋعا با­عىتتالعان تۇجىرىمداماسىن جۇزە­گە اسىرۋ اياسىندا وتاندىق جانە حالىقارالىق تاجىريبەلەر ەسكەرىلە وتىرىپ ازىرلەنگەن بولاتىن. زاڭ جوباسىنىڭ نەگىزگى ماق­ساتى ءومىردى جيناقتىق ساقتان­دىرۋدى جانە ساقتاندىرۋ نارى­عى ينفرا­قۇرىلىمدارىن ودان ءارى دامىتۋ شارالارىن قابىلداۋ, ساق­تاندىرۋ دەلدال­دىعى قىزمەتى­نىڭ نەگىزگى قۇقىقتارىن بەكىتۋ, ساق­تاندىرۋ ستاتيستيكاسىنىڭ تولىق­قاندى بازاسىن قالىپتاس­تىرۋ ارقى­لى تاريف ساياساتىنىڭ ماسە­لەلەرىن شەشۋ بولىپ تابىلادى. زاڭ جوباسىمەن ازاماتتىق جانە سالىق كودەكستەرىنە, اكىم­شىلىك قۇقىق بۇزۋشىلىق تۋرالى كودەكسكە, سونداي-اق “ساقتان­دىرۋ قىزمەتى تۋرالى”, “ساق­تاندىرۋ تولەمدەرىن كەپىلدەندىرۋ قورى تۋرالى”, “كولىك قۇرالدارى يە­لەرىن مىندەتتى ساقتاندىرۋدىڭ ازامات­تىق-قۇقىقتىق جاۋاپكەر­شىلىگى تۋرالى”, “قارجى نا­رىعى مەن قارجى ۇيىمدارىن مەملە­كەتتىك رەتتەۋ جانە قادا­عالاۋ تۋرا­لى” زاڭ­دارعا تۇزەتۋلەر ەنگىزىلەتىن بولادى. زاڭ جوباسى پالاتانىڭ قاراۋىنا جىبەرىلەتىن بولدى. كوشپەلى وتىرىس كوكجيەگى ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ حاتشىسى مۇرات ابەنوۆ باستاعان كوشپەلى وتىرىس يندۋستريا جانە جاڭا تەحنو­لو­گيالار مينيسترلىگىندە وتكىزىلدى. الدىمەن پالاتا دەپۋتاتتارى رەسپۋبليكالىق “كازگەوينفورم” گەولوگيالىق زەرتتەۋ ورتالىعى مەن رەسپۋب­ليكالىق ەتالون ورتالىعىنا ساياحات جاساپ, جۇ­مىس­تارىمەن تانىستى. كوشپەلى وتىرىس ەتالون ورتالىعىنىڭ وتىرىس زالىندا جالعاستى. وندا يندۋستريا جانە جاڭا تەحنولوگيالار ءمينيسترى اسەت يسەكەشەۆ پەن ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ حاتشىسى مۇرات ابەنوۆ قىسقاشا ءسوز سويلەدى. “KAZNEX ءىNVEST” ەكسپورت پەن ينۆەستيتسيالار بويىنشا ۇلتتىق اگەنتتىك” اق باسقارما توراعاسى ەرلان ارىنوۆ پەن “ۇلتتىق يننوۆاتسيالىق قور” اق باسقارما توراعاسىنىڭ ءبىرىنشى ورىنباسارى اۋەلبەك توعجانوۆ بايانداما جاسادى. تالقىلاۋ مەن پىكىر الما­سۋدان كەيىن يندۋستريا جانە جاڭا تەحنولوگيالار ءمينيسترىنىڭ ورىنباسارى البەرت راۋ قورى­تىندى ءسوز سويلەدى, دەپ حابار­لا­دى ءماجىلىستىڭ ءباسپاسوز قىزمەتى.