فوتو: قورعانىس مينيسترلىگى
مينيستر, اۋەلى, 74884 اسكەري ءبولىمى اۋماعىنداعى وبەكتىلەر قۇرىلىسىنىڭ بارىسىمەن تانىستى.
سونىمەن بىرگە گەنەرال-پولكوۆنيك رۋسلان جاقسىلىقوۆ تۇرارالىق وقۋ پوليگونىنىڭ اسكەري مىندەتتىلەر باقىلاۋ اتۋ جاتتىعۋلارىن باقىلاۋ ءۇشىن اسكەري اتىس الاڭىندا بولدى.
وقۋ پوليگونىنىڭ تانكودرومىندا مينيستر مەحانيكالاندىرىلعان بريگاداعا بەكىتىلگەن رەزەرۆتەگى اسكەري مىندەتتىلەردىڭ قاتىسۋىمەن ءوتىپ جاتقان ەكى ساتىلى كوماندالىق-شتابتىق وقۋ-جاتتىعۋدىڭ بارىسىن قاداعالادى. قورعانىس ۆەدومستۆوسىنىڭ باسشىسى 35411 اسكەري ءبولىمىنىڭ جاۋىنگەرلىك ماشينالار پاركىن دە شولىپ شىقتى.
ال سەمەي قالاسىندا گەنەرال-پولكوۆنيك رۋسلان جاقسىلىقوۆ اسكەري گوسپيتالعا باردى. «سەمەي ينجينيرينگ» اق زاۋىتىنا دا تابان تىرەپ, قورعانىس جانە ازاماتتىق ماقساتتاعى ونىمدەردى ازىرلەۋ, ءوندىرۋ, جوندەۋ جانە قىزمەت كورسەتۋمەن اينالىساتىن كاسىپورىن باسشىلىعىمەن كەزدەستى.
بۇگىن قورعانىس ۆەدومستۆوسىنىڭ باسشىسى الماتى وڭىرلىك گارنيزونىندا جۇمىس ساپارىمەن ءجۇر.
