فوتو:diapazon.kz
«قازاق ءۆالسىنىڭ كورولى» اتانعان ايگىلى سازگەر ءشامشى قالداياقوۆ 1930 جىلى 15 تامىز كۇنى شىمكەنت وبلىسى وتىرار اۋدانىندا دۇنيەگە كەلگەن.
سازگەر شۇىعارماشىلىق جۇمىسپەن 1950 جىلداردان باستاپ اينالىسقان. 1956-1962 جىلداردا الماتى كونسەرۆاتورياسىندا وقىعان. ش.قالداياقوۆ 40 جىلدان استام شىعارماشىلىق قىزمەتىندە 300-گە جۋىق مۋزىكالىق تۋىندى جازعان. تانىمال تۋىندىلاردى جازعان كومپوزيتور 1965 جىلى قازاقستان كومسومول سىيلىعىن العان. ال, 1991 جىلى وعان قازاقستان رەسپۋبليكاسىنىڭ حالىق ءارتيسى اتاعى بەرىلگەن.
كومپوزيتوردىڭ «تەڭىزدە - تولقىندا», «باقىت قۇشاعىندا», «بارىنەن دە سەن سۇلۋ», «اقماڭدايلىم», «اقسۇڭقارىم», «قايداسىڭ», «انا تۋرالى جىر», «قۋانىش ءۆالسى», «اق ەركە - اق جايىق», «ارىس جاعاسىندا» جانە ت.ب. اندەرى قازاق ساحناسىندا ءالى كۇنگە دەيىن شىرقالىپ كەلەدى.
ءشامشى اندەرىنە باسقا تۇگىل اعىلشىننىڭ ونەر قايراتكەرى روبەرت فايلەر تاڭعالىپ: «مەن قازاقتىڭ ۇلى كومپوزيتورىمەن تانىسقانىما قۋانىشتىمىن. 300-گە جۋىق ءان شىعارۋ دەگەن — ۇلى ەرلىك! سىزگە ەسكەرتكىش ورناتۋ كەرەك», دەگەن ەكەن.
ال, 1991 جىلى كومپوزيتور تۋرالى عۇمىرنامالىق «جىلدارىم مەنىڭ, جىرلارىم مەنىڭ» اتتى دەرەكتى فيلم ءتۇسىرىلدى.
ارتىنا مۋزىكالىق مول مۇرا قالدىرعان ءشامشى قالداياقوۆ 1992 جىلى 29 اقپاندا الماتى قالاسىندا قايتىس بولدى.
