فوتو: egemen.kz
ايتۋلى كۇندە «Egemen Qazaqstan» گازەتىنىڭ بۇگىنگى سانىندا قازاقستاننىڭ قۇرمەتتى جۋرناليسى سەرىكباي تۇرجاننىڭ «اق بانتيك اڭگىمەسى» ماقالاسى جارىق كوردى.
ماقالادا شامشى قالداياقوۆتىڭ «اق بانتيك» ءانى كىمگە ارنالعانى باياندالعان. كومپوزيتور «اق بانتيكتى» سىيلاس جولداسى قاراجان ءابىلازىموۆ تويىنا تارتۋ رەتىندە شىعارعان.
ال قاراجان ابىلازىموۆ سول كەزدە وبكومسومولدا ءبىرىنشى حاتشى بولىپ ىستەپ جۇرگەندە جاسى ۇلكەندەۋ بولسا دا, تۇركىستان قالاسىنداعى 19-مەكتەپتى بىتىرگەن فاتيما دەگەن جاس قىزعا ۇيلەنىپتى. دوستارىنىڭ بالاڭ ارۋمەن باس قوسىپ جاتقانىن ەستىگەن قوس دارىن ش.قالداياقوۆ پەن م.شاحانوۆ فاتيما تورەحانوۆانىڭ اق بانتيگىن اق ورامالعا ايىرباستاعان ەرەك شاعىن انگە سىيدىرعان.
اۆتور قاراجان مەن فاتيمانىڭ تانىستىق-عاشىقتىق وقيعاسىنىڭ باستالۋىن بىلاي وربىتەدى:
«فاتيمانى مەكتەپتە وقىپ جۇرگەن كەزىمىزدەن تانيتىنمىن. مەن كەنتاۋداعى ى.التىنسارين مەكتەبىندە, ال فاتيما بولسا تۇركىستاننىڭ تەمىرجول بويىنداعى مەكتەپتە وقىدى. ءبىر-ءبىرىمىزدى 8-سىنىپتان باستاپ بىلە باستادىق. اتالعان ەكى مەكتەپ وقۋشىلارى ءبىر-بىرىمىزگە قوناققا كەلىپ, وتكىزىلەتىن ءتۇرلى ءپان بايقاۋلارىنا قاتىسىپ, باق سىناساتىنبىز. مىنە, وسىنداي كەزدەرى عوي تۇركىستاندىق فاتيمامەن ەتەنە تانىسىپ جۇرگەنىم. فاتيما وتە جان-جاقتى, بىلگىر, تالاپتى, سونىمەن بىرگە ونەرگە دە ەرەكشە قۇشتار بولاتىن. اسىرەسە ادەبيەت پانىنەن الدىنا جان سالمايتىن. ادەمى ءان ايتىپ, بي بيلەيتىن. ونەرىمەن قالانىڭ اتىن شىعارىپ, وبلىستىق, رەسپۋبليكالىق ونەر سايىستارىنا دا قاتىسىپ, ءبىرىنشى ورىنداردان كورىنىپ جۇرەتىن. وسىنداي كەزدەرىندە عوي فاتيمانىڭ قاراجاننىڭ كوزىنە ءتۇسىپ جۇرگەنى. تەك كوزگە ءتۇسىپ ەمەس, كەيىننەن ەكەۋى ۇيلەنىپ, شاڭىراق كوتەردى.
فاتيما ءشامشىنىڭ اندەرىن ناقىشىنا كەلتىرە ورىندايتىن. كومپوزيتوردىڭ ءاربىر ءانىن تەبىرەنە ورىنداعان كەزدە تىڭداۋشىلار قاۋىمى وزدەرىنىڭ قالاي تەربەلىپ كەتكەنىن دە بىلمەي قالاتىن. فاتيما كورەرمەندەردىڭ قۇرمەتىنە وسىلاي بولەندى. سودان كەيىن عوي, قاراجانمەن ءوزارا سىيلاستىعى مول ءشامشى فاتيماعا ارناپ «اق بانتيك» ءانىن شىعارىپ جۇرگەنى», دەپ جازادى اۆتور.
سونداي-اق شىمكەنت قالاسىنداعى ءشامشى قالداياقوۆ تۇرعان پاتەردە بۇگىنگى كۇنى كىم تۇراتىنىن سەرىكباي تۇرجاننىڭ «اق بانتيك اڭگىمەسى» ماقالاسىنان تولىق وقي الاسىز.
