ونىڭ قۇندىلىعى قانتتىلىعىنا بايلانىستى. جەرگىلىكتى قاۋىنداردىڭ قانتتىلىعى 18% بريكست بولسا, بۇل قاۋىنداردىڭ قانتتىلىق مولشەرى – 20% بريكست. جەرگىلىكتى قاۋىندار 90 كۇندە پىسسە, تروپيكالىق قاۋىن 60 كۇندە پىسەدى. اۋرۋعا, تاسىمالداۋعا ءتوزىمدى. جىلىجايعا ەگىلگەنىنە 10 كۇن بولسا دا, قازىرگى شىعىمدىلىعى جاقسى. «بۇل رەتتە تايلاندتىق عالىمدارمەن ارىپتەستىك ورناتىپ وتىرمىز. ولار ويلاپ تاپقان قاۋىن سۇرپىن جىلىجايدا سىناقتان وتكىزەمىز. سودان كەيىن جەرگىلىكتى قاۋىن تۇقىمىمەن بۋدانداستىرىپ, جاڭا سۇرىپ شىعارۋ جوسپاردا بار», دەيدى اۋىل شارۋاشىلىعى عىلىمدارىنىڭ كانديداتى, جىلىجاي شارۋاشىلىعىنىڭ ديرەكتورى سامالبەك مۇنداي.
دابىل جۇيەسى
جاپونيا العاش رەت جويقىن ءزىلزالا قاۋپى تۋرالى حابار بەرەتىن دابىل جۇيەسىن ىسكە قوستى.
ۇلتتىق مەتەورولوگيا اگەنتتىگى 29 پرەفەكتۋرانىڭ 707 اكىمشىلىك اۋماعىندا جەراستى ءدۇمپۋى كەزىندەگى دايىندىعىن دا پىسىقتاپ ۇلگەردى. ەسكەرتۋ نەگىزىنەن سيدزۋوكي قالاسىنان توكيونىڭ باتىسىنا دەيىنگى اۋماققا سوزىلىپ جاتقان 800 شاقىرىم جەردە جاسالدى. «گارديان» باسىلىمىنىڭ جازۋىنشا, بۇل ايماقتا ءار 100-200 جىلدا 8-9 بالدىق ءزىلزالا بولىپ تۇرادى. ەستەرىڭىزگە سالا كەتەيىك, جاپونيا پرەمەر-ءمينيسترى فۋميو كيشيدا ەلدىڭ وڭتۇستىگىندە 7,1 بالدىق جەر سىلكىنىسى بولعان سوڭ, ورتالىق ازياعا ساپارىن كەيىنگە شەگەرگەن بولاتىن.
ماساسىز ەل
جاز مەزگىلىندە ماسا ماسەلەسى ءبارىمىزدى مازالايتىنى انىق. وسى تىرشىلىك يەسى قاي ەلدە جوق ەكەن دەپ تە ويلانعان بولۋىمىز كەرەك. سويتسەك, يسلانديادا جوق ەكەن.
يسلانديادا ماسالاردىڭ بىردە-ءبىر ءتۇرى ءومىر سۇرمەيدى. ونىڭ سەبەبى ناقتى انىقتالماعان. دەگەنمەن وعان جاقىن نورۆەگيا, شوتلانديا, يرلانديا, ءتىپتى گرەنلانديادا ماسا بار. عالىمدار ناقتى سەبەبىن انىقتاماسا دا, تابيعات ەرەكشەلىگىنە بايلانىستى دەپ توپشىلاپ وتىر. ياعني يسلانديا كليماتىنىڭ ەرەكشەلىگىنە بايلانىستى قىستا بىرنەشە رەت كەنەتتەن بولاتىن اۋا رايىنا قاتىستى. ماسالار سۋىق پەن جىلۋدىڭ كەزەكتەسىپ تۇراتىنىنا شىداي المايدى ەكەن.
