وبلىس باسشىلىعىنىڭ باستاماسىن قولداعان «قازاقمىس» كورپوراتسياسى بۇل نىساندى ءوز مەنشىگىنە الىپ, مۇندا قايتادان كۇردەلى جوندەۋ جۇرگىزۋدى قولعا الدى. جالپى اۋماعى 900 شارشى مەتردى قۇرايتىن نىساندا ويىن زالدارى, جاتتىقتىرۋشىلار كابينەتى, كۇتۋ, دەمالىس بولمەلەرى بولادى. اكادەميا 700 بالانى قامتيدى.
– ەلىمىزدەگى ەڭ ءىرى شاحمات اكادەمياسىنىڭ ۇلىتاۋدا اشىلۋى وتە ماڭىزدى. بۇل ءبىزدىڭ جاس وبلىسىمىزدىڭ جان-جاقتى الەۋەتىن كەڭىنەن تانىتادى. ءوز كەزەگىندە ءتۋريزمدى دامىتۋعا دا تىكەلەي اسەرىن تيگىزەدى, – دەدى بولاشاق اكادەميانىڭ قۇرىلىسىمەن تانىسۋ بارىسىندا وبلىس اكىمى بەرىك ابدىعالي ۇلى.
شاحمات اكادەمياسىنىڭ اشىلۋى الداعى قازان ايىنا جوسپارلانىپ وتىر.
جەزقازعان قالاسى
