فوتو: tengrinews.kz
تىزىمگە ەنگەن ءونىدىرىس ورىندارى مەملەكەتتەن قولداۋدى باسىم تارتىپتە الۋ مۇمكىندىگىن يەلەنەدى. ولجاس بەكتەنوۆ وتاندىق ءونىم كولەمىن ارتتىرۋدى كوزدەيتىن تىزىمگە ناقتى ناتيجەسى بار كومپانيالاردى كىرىكتىرۋدى باسا ايتتى.
«تىزىلىمگە ءونىم شىعارىپ وتىرعان, وندىرىستىك قۋاتتارى جەتەرلىك, ءارى قاراي دامۋ ءۇشىن الەۋەتى مەن جوسپارلارى بار ناقتى كاسىپورىنداردىڭ عانا ەنۋى وتە ماڭىزدى. تىزىلىمگە ەنگەن كاسىپورىندار مەملەكەتتىك قولداۋ شارالارىن باسىم تارتىپپەن الاتىن بولادى», دەدى ولجاس بەكتەنوۆ.
تىزىمنەن تابىلعان ءوندىرىس ورىندارىنا ايقىن تالاپتار قويىلماق. بۇل قاتاردا ءوندىرىستى جاڭعىرتۋ, ەڭبەك ونىمدىلىگى مەن باسەكەگە قابىلەتتىلىكتى ارتتىرۋ, جالاقىنى ءوسىرۋ بويىنشا قارسى مىندەتتەمەلەرى بار.
كاسىپورىندار قىزمەتىنە مونيتورينگ تسيفرلىق سكرينينگ نەگىزىندە جۇرگىزىلەدى. ۇكىمەتتىڭ ءباسپاسوز قىزمەتى وسىلايشا تاپسىرمانى جۇزەگە اسىرۋ بارىسىندا سىبايلاس جەمقورلىق تاۋەكەلدەرىنە جول بەرىلمەيتىنىن ءمالىم ەتتى.
