مەملەكەتكە قايتارىلعان قارجى

سىبايلاس جەمقورلىققا قار­سى ءىس-قيمىل اگەنتتىگى ق.ساتى­بالدى ۇلىنا قاتىستى «قازاقتەلە­كوم» اق, «كولىك سەرۆيس ورتالىعى» اق قاراجاتىن اسا ءىرى مولشەردە جىمقىرۋ, قىلمىستىق جولمەن الىنعان اقشانى جانە وزگە دە م ۇلىكتى زاڭداستىرۋ (جىلىستاتۋ), سونداي-اق ءوز باقىلاۋىن­دا­عى كومپانيانىڭ كەدەندىك باجىن تولەۋدەن جالتارۋى سەكىلدى فاكتىلەر بويىنشا قىلمىستىق ىستەردى تەرگەدى.

اگەنتتىكتىڭ مالىمەتىنشە, 2022 جىلدان باستاپ قازىرگى ۋاقىتقا دەيىن ق.ساتىبالدى ۇلى جانە ونى­مەن بايلانىستى ادامداردان مەملەكەتكە زاڭسىز يەمدەنىلگەن 732,8 ملرد تەڭگە نەمەسە 1,6 ملرد دوللاردان استام سوماعا م ۇلىكتىك اكتيۆتەر مەن اقشالاي قاراجات قايتارىلعان. ونىڭ ىشىندە 661,5 ملن دوللار شەتەلدەن قىسقا مەرزىمدە ەلگە جەتكىزىلدى. اتاپ ايتقاندا, ونىڭ زاڭسىز اكتيۆتەردى اۋستريا, ليحتەنشتەين, ءباا, تۇركيا  ت.ب. ەلدەرگە جىمقىر­عانى انىقتالعان.

مەملەكەت مەنشىگىنە وتكەن اكتيۆتەر ىشىندە اكىمشىلىك عي­ماراتتار, ەكسكليۋزيۆتى زەرگەر­لىك بۇيىمدار, ليۋكس ۇيلەر, پاتەر­لەر مەن اۆتوكولىكتەر, اكتسيالار مەن­ كومپانيالاردىڭ ۇلەستەرى, تەمىرجول مەن اقشا قا­را­جاتتارى بار. ناقتىراق ايت­ساق, ولار – «قازاقتەلەكوم» اق اكتسيالارىنىڭ 28,8% (93,8 ملرد تگ), «كسو» اق (30,2 ملرد تگ), 4 كومپانياداعى قاتىسۋ ۇلەسى (10,3 ملرد تگ), ەلىمىزدەگى م ۇلىكتىك اكتيۆتەر (158,5 ملرد تگ), ەكسكليۋزيۆتى زەرگەرلىك بۇيىمدار (105,39 ملرد تگ), قازاقستاندىق شوتتارداعى اقشا (36,8 ملرد تگ), اۋستريادان كەلگەن اقشا (36,8 ملرد تگ), ليحتەنشتەيننەن تۇسكەن اقشا (116,7 ملرد تگ), ءباا-دەن كەلگەن اقشا (6,3 ملرد تگ), تۇركيادان كەلگەن اقشا (2,2 ملرد تگ), باعالى قاعازداردى ساتۋدان تۇسكەن قارجى (135,8 ملرد تگ).

ماسەلەن, قۇنى 158 ملرد تەڭگەدەن اساتىن ەلدەگى 115 م ۇلىك­تىك­ اكتيۆتەردىڭ ىشىندە 73 جىلجىمايتىن م ۇلىك (13 ءۇي, 10 عيمارات, 13 جەر ۋچاسكەسى, 4 پاتەر, 3 عيمارات, قوسىمشا سالىنعان 2 مەدرەسە عيماراتى, 2 تۇراق ورنى, 25 ءۇي-جاي, 1 اياقتالماعان قۇرىلىس نىسانى), 37 جىلجىمالى م ۇلىك (29 اۆتوكولىك, 5 ارنايى تەحنيكا, 3 كۆادروتسيكل) جانە وزگە دە اكتيۆتەر بار. ولاردىڭ ءبىر بولىگى جاقىن تۋىس­تارىنا, ۇلەستەس ادامدارعا جانە باقىلاۋداعى كومپانيالار­عا رەسىمدەلگەن.

استانا مەن الماتى قالالا­رىن­دا مەملەكەتكە بەرىلگەن اكىم­شىلىك عيماراتتاردىڭ جالپى اۋدا­نى 180 مىڭ شارشى مەتر­دەن اسادى. بۇرىن بۇل اكتيۆتەر جالعا بەرىلىپ, جىل سايىن مەن­شىك يەسىنە ميللياردتاعان تابىس اكەلگەن. ليۋكس نىساندارىنىڭ ءبىرى – اقمولا وبلىسىنىڭ با­راپ اۋلىنداعى 135 گەكتار جەر ۋچاس­كەسىندە ورنالاسقان, جالپى اۋدانى 1,5 مىڭ شارشى مەتردى قۇرايتىن ق.ساتىبالدى ۇلىنىڭ بۇرىنعى رەزيدەنتسياسى استانا قالاسىنىڭ ءبىلىم باسقارماسىنا بەرىلدى.

سىبايلاس جەمقورلىققا قار­سى ءىس-قيمىل اگەنتتىگىنىڭ سوڭعى مالىمەتىنە قاراعاندا, 2022 جىلدان بەرى مەملەكەتكە 1 ترلن تەڭگەدەن استام زاڭسىز يەمدەنىلگەن اكتيۆ قايتارىلعان. كورىپ وتىر­عانىمىزداي, بۇل سومانىڭ باسىم بولىگىن ق.ساتىبالدىنىڭ اكتيۆتەرى قۇرايدى.

ايتا كەتەيىك, قايتارىلعان اكتيۆتەردىڭ ءبارى مەملەكەت مەن­شىگىنە ءوتىپ, الداعى ۋاقىتتا الەۋ­مەتتىك ماقساتتاردا پايدالا­نىلماق.