فوتو:olympic.kz
«ۇلتتىق وليمپيادا كوميتەتى مەن جەكە ءوز اتىمنان وليمپيادا ويىندارىنىڭ كۇمىس جۇلدەگەرى نۇربەك ورالبايدى شىن جۇرەكتەن قۇتتىقتايمىن. بۇگىن بارشا قازاقستان ازاماتى سىزبەن بىرگە شارشى الاڭدا بولدى دەسەك, ارتىق ەمەس. وليمپيادانىڭ كۇمىس جۇلدەسى – ۇلكەن ماراپات. ءسىز جانكۇيەر ماقتاناتىنداي جەكپە-جەك كورسەتتىڭىز. سونىمەن قاتار نۇربەكتىڭ جەكە باپكەرى اسقار ەركەباەۆتى دا قۇتتىقتايمىن! ول شاكىرتىن وليمپيادا تۇعىرىنا الىپ كەلگەن مىقتى مامان ەكەنى انىق. سىزدەردىڭ العاشقى وليمپيادالارىڭىز سپورتتىق مانساپتارىڭىزدىڭ تەك باستاماسى بولسىن. جەڭىسىمىز ارتا بەرسىن, ەلىمىزدىڭ كوك بايراعى بيىكتە جەلبىرەي بەرسىن!», دەدى گەننادي گولوۆكين.
ەسكە سالا كەتەيىك, بوكستان قازاقستان كومانداسىنىڭ مۇشەسى نۇربەك ورالباي پاريج وليمپياداسىنىڭ كۇمىس جۇلدەگەرى اتاندى.
