تاۋەلسىز بايقاۋشىلار ماڭعىستاۋداعى سايلاۋدى جوعارى باعالادى

اقتاۋ. 26 ءساۋىر. تمد ميسسياسىنان كەلگەن تاۋەلسىز بايقاۋشىلار ماڭعىستاۋداعى سايلاۋدى جوعارى باعالادى. بۇل تۋرالى egemen.kz ءتىلشىسى حابارلادى. بايقاۋشىلار بۇل تۋرالى جۋرناليستەرمەن كەزدەسۋىندە باياندادى. ولار تاڭەرتەڭ سايلاۋ باستالىسىمەن كارى-جاسى ارالاس 30-40 ادامنىڭ كەلىپ تۇرعانىن, بىرەۋلەردىڭ وتباسىمەن كەلگەندىگىن قىزىعا ايتتى. سونداي-اق, مەيىربان ماڭعىستاۋلىقتاردىڭ ىستىق ىقىلاسىنا ريزا بولعان بايقاۋشىلار سايلاۋ بارىسىنان ەشقانداي كەمشىلىك بايقاماعانىن ايتۋمەن قاتار, «كەيبىر ماسەلەلەردى سىزدەردەن ۇيرەنۋگە بولادى. ولاردى ءبىز رەسەيگە ۇسىنىس رەتىندە الىپ بارا جاتىرمىز», دەپ اعىنان جارىلدى. بايقاۋشى انتون گۋدەنكو كوپتەگەن سايلاۋلاردا سايلاۋشىلار ءتىزىمى مەن داۋىس ساناۋدا قاتە ولقىلىقتار بولاتىنىن, ال سايلاۋ بارىسىندا اقتاۋدا تىزىمنەن قاتە شىقپاعاندىعىن العا تارتتى. «بۇل مەنىڭ قازاقستاندا سايلاۋدا العاشقى بولۋىم ەمەس جانە بارلىق ۋاقىتتا سىزدەردە سايلاۋ جوعارى دەڭگەيدە وتەدى. بيۋللەتەن تولتىرعاندا قاي جەرگە قانداي بەلگى قويامىن دەگەن سەكىلدى قاراپايىم سۇراقتاردىڭ ءوزى بولمايدى», - دەيدى انتون گۋدەنكو. ماڭعىستاۋ وبلىسىندا كەزەكتەن تىس پرەزيدەنت سايلاۋىن بايقاۋعا ەقىۇ-نان 12, تمد ميسسياسىنان 9 بايقاۋشى كەلگەن. گۇلايىم شىنتەمىرقىزى. دەرەك: egemen.kz سۋرەت: lada.kz