كۇلاش قۇنانتايقىزى 1931 جىلعى 4 ناۋرىزدا شىعىس قازاقستان وبلىسىنىڭ ۇلان اۋدانىندا دۇنيەگە كەلگەن. 1952 جىلى قازاق مەملەكەتتىك قىزدار پەداگوگيكالىق ينستيتۋتىنىڭ فيلولوگيا فاكۋلتەتىن بىتىرگەن. قازاقستان ايەلدەرىنىڭ اراسىنان شىققان تۇڭعىش پەداگوگيكا عىلىمدارىنىڭ دوكتورى. 1966 جىلى «نەكوتورىە ۆنەۋچەبنىە ترۋدوۆىە ي وبرازوۆاتەلنىە وبەدينەنيا ۋچاششيحسيا كازاحستانا» تاقىرىبىندا كانديداتتىق جانە 1981 جىلى «رازۆيتيە جەنسكوگو وبرازوۆانيا ۆ كازاحستانە (1920-1975)» تاقىرىبىندا دوكتورلىق ديسسەرتاتسياسىن قورعاعان.
ايتا كەتەيىك, كۇلاش قۇنانتايقىزى 1968-1984 جىلدارى قازاق مەملەكەتتىك قىزدار پەداگوگيكالىق ينستيتۋتىن ەڭ ۇزاق ۋاقىت باسقارعان بىلىكتى رەكتور. 16 جىل ارالىعىندا وقۋ ورنىن جاڭا دەڭگەيگە كوتەرگەن. سونداي-اق سول كەزەڭدە زامان تالابىنا ساي وقۋ عيماراتتارى مەن ءۇش جاتاقحانا سالىنىپ, پايدالانۋعا بەرىلگەن.
سونىمەن قاتار 1200 ادامدى ءبىر مەزگىلدە تاماقتاندىراتىن اسحانا, كىتاپحانا مەن سپورت كەشەندەرى ىسكە قوسىلعان. كۇلاش قۇنانتايقىزىنىڭ تىكەلەي ىقپالىمەن 80 پاتەرلىك تۇرعىن ءۇي سالىنىپ, باسپاناسىز جۇرگەن ينستيتۋت قىزمەتكەرلەرى مەن مۇعالىمدەرىنە بەرىلگەن. جاڭادان 12 زەرتحانا اشىلىپ, سونداي-اق ستۋدەنتتەر كونتينگەنتى 3600-دان 6200-گە جەتتى, فاكۋلتەتتەر سانى 4-تەن 6-عا, كافەدرالار سانى 19-دان 28-گە ارتقان.
وتاندىق پەداگوگيكا عىلىمىنىڭ دامۋىنا سۇبەلى ۇلەس قوسقان كورنەكتى عالىم, ۇلاعاتتى ۇستاز كۇلاش قۇنانتايقىزى – ەلىمىزدىڭ جوعارى ءبىلىم بەرۋ سالاسىنىڭ دامۋىندا ءوز قولتاڭباسىن قالىپتاستىرعان قايراتكەر.
