بۇل سۇراققا قر عجبم جوعارى جانە جوعارى وقۋ ورنىنان كەيىنگى ءبىلىم كوميتەتى توراعاسىنىڭ ورىنباسارى جاننا ەسىنباەۆا جاۋاپ بەردى.
گرانتتار ۇبت ناتيجەلەرى بويىنشا كونكۋرستىق نەگىزدە تاعايىندالادى. ء«بىلىم تۋرالى» زاڭعا سايكەس بىرنەشە كۆوتا قاراستىرىلعان.
مىسالى, تالاپكەر اۋىل مەكتەبىنىڭ تۇلەگى بولسا, ونىڭ گرانت كونكۋرسىنا اۋىل كۆوتاسى بويىنشا قاتىسۋ قۇقى بار. ەگەر اۋىلدىق تالاپكەر اۋىل كۆوتاسى بويىنشا گرانتقا يە بولا الماسا, جالپى كونكۋرسقا قاتىسۋ مۇمكىندىگى قاراستىرىلادى. بۇل مەحانيزم بارلىق كۆوتالارعا تيەسىلى.
سونداي-اق بيىل العاش رەت ءىشىنارا وقۋ اقىسى بار (50%) سارالانعان گرانتتار ەنگىزىلدى. «پەداگوگيكالىق عىلىمدار» جانە «الەۋمەتتىك عىلىمدار, جۋرناليستيكا جانە اقپارات» باعىتتارى بويىنشا 150 سارالانعان گرانتتان بولىنگەن. سارالانعان گرانت يەگەرلەرى تولىق شاكىرتاقى الادى.
ەسكە سالايىق, 104 مىڭنان استام تالاپكەر گرانت كونكۋرسىنا قاتىسۋعا نيەت ءبىلدىردى.
