الماتى. 26 ءساۋىر. قالا اۋماعىندا جاڭادان اشىلعان «الاتاۋ» اۋدانىنىڭ تۇرعىنى 100 جاستاعى كەيۋانا ءماميليا الىمباەۆانىڭ «شاڭىراق» شاعىن اۋدانىنداعى №26 مەكتەپ زالىنا, №20 سايلاۋ ۋچاسكەسىنە ءوز اياعىمەن كىرىپ كەلۋىنىڭ ءوزى سايلاۋعا قاتىسۋشىلاردى ءبىر سەرپىلتىپ تاستادى. بۇل تۋرالى egemen.kz حابارلادى.
سول جەردەگى توپ 100 جاساعان انامەن سۋرەتكە ءتۇسىپ, ەستەلىك ءۇشىن انا باتاسىن الدى. ءماميليا الىمباەۆا اپامىز ءوزىنىڭ ازاماتتىق پارىزى – داۋىس بەرۋ قۇقىعىن ورىنداي وتىرىپ, سايلاۋ ۋچاسكەسىندەگى جاماعاتقا ءوز باسىنان كەشىرگەن عۇمىرلىق شەجىرەسىنەن حابار بەرىپ, بارشا قاۋىمعا, بۇگىنگى سايلاۋعا ءتۇسىپ جاتقان ازاماتاردىڭ بارشاسىنا تىلەك تىلەپ, باتا بەردى.
سوتسياليستىك ەڭبەك ەرى, 7 بالا, 25 نەمەرە, 16 شوبەرە, 7 شوپشەكتىڭ ۇلى اناسى ءماميليا اپا قازاقستان مەملەكەتىنىڭ بۇگىنگى شىققان بەلەسى مەن باعىندىرعان بيىكتەرىنە ۇلكەن قۋانىشىن بىلدىرە وتىرىپ, الدا قازاق ەلىنىڭ اسار اسۋى مەن جەتەر جەڭىسىنىڭ مولدىعىنا بەك سەنىمدى ەكەنىن مالىمدەدى.
قانات ەسكەندىر.
دەرەك, سۋرەت: egemen.kz
