فوتو: gov.kz
كولىكتەگى پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, پحۋكەت-الماتى باعىتىنداعى رەيس قونعان بويدا اۋەجايدا جەلىلىك پوليتسيا ءبولىمىنىڭ قىزمەتكەرلەرى ەسىرتكى تاسىمالداعان الماتى جانە كوكشەتاۋ قالالارىنىڭ 26 جاستاعى تۇرعىندارىن ۇستاعان.
«قازاقستاننىڭ مەملەكەتتىك شەكاراسىن كەسىپ ءوتۋ كەزىندە قىزمەتتىك يت جولاۋشىلاردان ەسىرتكى زاتتارىنىڭ ءيىسىن انىقتادى. تەكسەرۋ بارىسىندا ولاردان «گاشيش», «كەپتىرىلگەن ماريحۋانا» جانە سينتەتيكالىق ەسىرتكى تابىلىپ, تاركىلەندى. ۇستالعاندار ءوز ارەكەتتەرىنىڭ زاڭسىزدىعىن تۇسىنگەن. ولار تايلاندتا دەمالىپ جۇرگەندە ەسىرتكى زاتتارىن ساتىپ الىپ, جەكە تۇتىنۋ ءۇشىن سومكەدە ساقتاعان», دەپ حابارلادى كولىكتەگى پد-ءنىڭ ءباسپاسوز قىزمەتى.
الماتى قالاسى تۇركسىب اۋداندىق سوتى كوكشەتاۋ قالاسىنىڭ تۇرعىنىن 1 جىل 9 اي مەرزىمگە باس بوستاندىعىنان ايىرۋ, ال الماتى قالاسىنىڭ تۇرعىنىنا 200 اەك (738 400 تەڭگە) كولەمىندە ايىپپۇل سالۋ تۋرالى ۇكىم شىعاردى.
