باق پەن بيلىك ماسەلەلەرى تالقىلاندى

استاناداعى ل.ن.گۋميلەۆ اتىن­داعى ەۋرازيا ۇلتتىق ۋنيۆەر­سي­تەتىندە “ساياسي ينستيتۋتتار جۇيە­سىندەگى بۇقارالىق اقپارات قۇرال­دارى: تەوريا جانە پراكتيكا” تا­قى­رىبىندا حالىقارالىق عىلىمي-تەوريالىق كونفەرەنتسيا بولىپ ءوتتى. كونفەرەنتسيادا نەگىزىنەن قو­عامنىڭ ساياسي جۇيەسىندەگى باق ءرو­لىنىڭ تەوريالىق-ادىستەمەلىك اس­پەك­تىلەرى, جاڭا گەوساياسي جاعداي­داعى ساياسي ينستيتۋتتار, اقپارات­تىق ساياسات جانە اقپاراتتىق قاۋ­ىپسىزدىك, باق جانە مەملەكەتتىك بي­لىك ماسەلەلەرى بويىنشا باياندا­مالار جاسالىپ, پىكىر الماسىلدى. باسقوسۋدا العاش ءسوز العان ل.ن.گۋميلەۆ اتىنداعى ەۋرازيا ۇلت­تىق ۋنيۆەرسيتەتىنىڭ پرورەك­تورى راحمەتقاجى بەرسىنباي جو­عارى وقۋ ورنىنىڭ جەتىستىكتەرىن قىسقاشا بايانداي كەلىپ, سونىڭ نە­گىزگىسى – بىلتىرعى وسىنداي باس­قوسۋدا ءسوز بولعان “جۋرناليستيكا جانە ساياساتتانۋ” فاكۋلتەتىنىڭ قۇرىلعانىن اتاپ ءوتتى. ءبىلىم جانە عىلىم ءمينيسترىنىڭ كەڭەسشىسى ۆە­نەرا جەكسەمبەكوۆا ءمينيستردىڭ اتىنان ۋنيۆەرسيتەتتەگى جاڭا فا­كۋلتەتتىڭ قۇرىلۋىمەن قۇتتىقتاپ, تابىستار تىلەسە, قازاقستانداعى ۋكراينا ەلشىلىگىنىڭ ءبىرىنشى حات­شى­سى الەكساندر نيكونچۋك ءوز ەلىن­دەگى ءباسپاسوز جاعدايىنان حا­باردار ەتىپ, ەرەكشەلىكتەر مەن ەسكەرەر تۇستاردىڭ بار ەكەنىنە توقتالىپ ءوتتى. ال قازاقستان حالقى اسسامبلەياسىنىڭ حاتشىسى نا­تاليا كالاشنيكوۆا ىنتىماعى جاراسقان ەل ومىرىندەگى ءباسپاسوزدىڭ ورنىنا كەڭىنەن توقتالا كەلىپ, مىنانداي الاساپىران زاماندا جۋرناليستەردىڭ كورەگەندىگى, بىلىك­تىلىگى, ەڭ اياعى مادەنيەتتى­لىگىنىڭ اۋاداي قاجەت ەكەنىن تىلگە تيەك ەتسە, اكادەميك جابايحان ءابدىل­دين جۋرناليستەرگە بۇگىندە ۇلكەن جاۋاپكەرشىلىك جۇكتەلىپ وتىرعا­نىن ايتا كەلىپ, ازاماتتىق قوعام تۋرالى وي-پىكىرىن ورتاعا سالدى. “ەگەمەن قازاقستان” رەس­پۋب­لي­كالىق گازەتى” اق پرەزي­دەنتى ساۋىتبەك ابدراحمانوۆ ءوز ءسوزىن “تاق اۋسا, باق اۋادى” دەگەن قانات­تى ءسوز بار, وسىنداعى باقتى – بۇقارالىق اقپارات قۇرالدارى دەپ باعامداۋعا بولادى” دەپ باستاپ, ۋنيۆەرسيتەتتەگى “جۋر­ناليستيكا جانە ساياساتتانۋ” فاكۋلتەتىنىڭ اشىلۋىنىڭ دۇرىس شەشىم بولعا­نىن ايتا كەلىپ, ساياسات پەن جۋر­ناليستيكانىڭ بىرگە بولۋىنىڭ ارتىقشىلىعى بار ەكەندىگىن تىلگە تيەك ەتتى. سونداي-اق باسقوسۋدا ءسوز العان بەلگىلى جۋرناليست عادىلبەك شا­لاحمەتوۆ, فاكۋلتەت دەكانى نا­مازالى وماشەۆ جانە تاعى باس­قالار بۇقارالىق اقپارات قۇ­رال­دارىنداعى وزەكتى ماسەلەلەردى قوزعاپ, ءوز وي-پىكىرلەرىن ورتاعا سالدى. سونداي-اق, بۇل كونفەرەنتسياعا قاتىسۋشىلار ۋنيۆەرسيتەت جانىن­داعى “وتىرار” كىتاپحاناسىندا ۇيىمداستىرىلعان “اقسەلەۋ سەي­دىمبەك اتىنداعى عىلىم زالى­نىڭ” اشىلۋ راسىمىنە قاتىسىپ, وندا وتكەن “قازاقستان جۋرنا­ليس­تيكاسى: وزەكتى ماسەلەلەر” اتتى دوڭگەلەك ۇستەلدە قازىرگى زامان تالابىنا وراي كادر دايىنداۋ جايىن ءسوز ەتتى. بەرىك سادىر.