«حالىقتىڭ قارقىندى تۇردە قارتايۋى جانە سوزىلمالى اۋرۋلاردىڭ تارالۋ دەڭگەيىنىڭ ۇنەمى ارتۋى وزىق مەديتسينالىق تەحنولوگيالارعا دەگەن سۇرانىستى ىنتالاندىرادى. بۇل ءۇردىس دەنساۋلىق ساقتاۋ ماسەلەلەرىن ءتيىمدى شەشۋگە قابىلەتتى كومپانيالاردىڭ ءوسۋىن قولداۋ ءۇشىن نەگىز بولادى. اقش-تىڭ ازىق-ت ۇلىك جانە ءدارى-دارمەكتەر باسقارماسىنىڭ (FDA) ءتيىستى سەرتيفيكاتتارىن السا, كومپانيانىڭ اكتسيالار قۇنى ايتارلىقتاي ءوسۋى مۇمكىن. نارىققا شىعاتىنى جانە جاڭا پرەپاراتتىڭ ساتىلىمى باستالاتىنى تۋرالى حابارلاندىرۋلار نارىقتىق كاپيتالداندىرۋدى جانە كىرىستىلىكتى ءبىرشاما ارتتىرادى», دەيدى ساراپشىلار.
«Nova One Advisor» كومپانياسىنىڭ سوڭعى زەرتتەۋىنە سايكەس 2023 جىلى الەمدىك بيوتەحنولوگيالار نارىعىنىڭ كولەمى 1,54 ترلن دوللارعا باعالاندى جانە 2033 جىلعا قاراي 5,68 ترلن دوللارعا جەتەدى دەپ بولجانىپ وتىر.
دەگەنمەن سالادا تاۋەكەل دە جوق ەمەس. سونىڭ ءبىرى دە بىرەگەيى – رەتتەۋشىلىك كەدەرگىلەر. رەتتەۋشى ورگانداردىڭ سەرتيفيكاتتاۋى قۇجاتتىق راسىمدەرگە بايلانىستى ۇزاققا سوزىلىپ جاتادى. بولاشاعى بار باعىتتاردىڭ كوبى كلينيكالىق سىناقتاردان وتپەي قالادى نەمەسە نورماتيۆتىك ستاندارتتارعا سايكەس كەلمەيدى, بۇل ايتارلىقتاي قارجىلىق شىعىندارعا اكەلەدى.
ودان كەيىنگى تاۋەكەل – زەرتتەۋلەر مەن ازىرلەمەلەرگە جۇمسالاتىن ۇلكەن شىعىندار. جاڭا ءدارى-دارمەكتەر مەن مەديتسينالىق تەحنولوگيالاردى ازىرلەۋ ءۇشىن زەرتتەۋلەر مەن ازىرلەمەلەرگە (عزتكج) ايتارلىقتاي ينۆەستيتسيا قاجەت. بۇل رەتتە ەكسپەريمەنتتىك پرەپاراتتاردىڭ از عانا بولىگى نارىققا شىعادى, بۇل عزتكج-نى تىم قاۋىپتى جانە تۇراقسىز ەتەدى.
ءۇشىنشى تاۋەكەل – نارىقتاعى باسەكەلەستىك. ەكى سالا دا جوعارى باسەكەگە قابىلەتتى. باسەكەلەستىك ارتىقشىلىقتى ساقتاپ قالۋ ءۇشىن كومپانيالار ۇنەمى جاڭاشىلدىق جاساپ وتىرۋى كەرەك. بۇل جىلدام وزگەرەتىن جاعدايلاردا, الەمدەگى جانە جالپى نارىقتاعى جاعدايلاردا قيىنعا سوعۋى مۇمكىن.
اكتسيالاردىڭ قۇبىلمالىلىعى دا – ەڭسەرىلۋى اۋىر كەدەرگى. بيوتەحنولوگيالىق جانە فارماتسەۆتىك كومپانيالاردىڭ اكتسيالارى, اسىرەسە كلينيكالىق سىناقتار, رەتتەۋشى شەشىمدەر جانە نارىقتاعى جاعدايلار تۋرالى جاڭالىقتارعا بايلانىستى وتە قۇبىلمالى بولۋى مۇمكىن. بۇل اكتسيالار باعاسىنىڭ ايتارلىقتاي وزگەرۋىن تۋعىزادى.
ساراپشىلار سالاداعى كەلەشەگى بار ۇجىمدار قاتارىنا «Schrödinger», «CRISPR Therapeutics», «Illumina», «Abbott Laboratories», «Legend Biotech Corporation» كومپانيالارىن قوسادى.
اڭگىمەمىزدى تۇيىندەي كەلە «ەگەر ينۆەستورلار بيوتەحنولوگيالىق جانە فارماتسەۆتىك كومپانيالارعا قارجى قۇيسا, ولارعا جوعارى كىرىستىلىك ءۇشىن بىرەگەي مۇمكىندىكتەر اشىلار ەدى» دەپ ءپاتۋا جاساۋعا بولادى. ارينە, ەڭ الدىمەن, كومپانيالاردى مۇقيات تالداپ, ولاردىڭ عىلىمي جەتىستىكتەرىن, قارجىلىق جاعدايىن جانە ستراتەگيالىق جوسپارلارىن باعالاۋ قاجەت. ارتاراپتاندىرىلعان ءتاسىل جانە تاۋەكەلدەر تۋرالى حاباردار بولۋ ينۆەستورلارعا بيوتەحنولوگيالىق جانە فارماتسەۆتىك كومپانيالار بەرەتىن مۇمكىندىكتەردى بارىنشا پايدالانۋعا جانە ىقتيمال شىعىنداردى بارىنشا ازايتۋعا كومەكتەسەدى.
