فوتو: تۇرار قازانعاپوۆ
ۇكىمەت وتىرىسىندا كولىك ءمينيسترى مارات قاراباەۆ جىل سوڭىنا دەيىن 7 مىڭ شاقىرىم جول جوندەلەتىنىن ايتتى.
سونداي-اق رەسپۋبليكالىق ماڭىزى بار اۆتوجولداردىڭ 5,4 مىڭ شاقىرىمىندا ورتاشا جىلدامدىقتى انىقتايتىن كامەرالار كوبەيتىلمەك.
جول-كولىك وقيعالارىنىڭ باستى سەبەپتەرىنىڭ ءبىرى جىلدامدىق تالاپتارىن ساقتاماۋ. بۇل كورسەتكىش جالپى اپاتتىڭ 37%-ىن قۇرايدى. كولىك ءمينيسترى اقىلى جولداردا ورناتىلعان كامەرالاردىڭ ورتاشا جىلدامدىقتى ەسەپتەۋگە مۇمكىندىگى بار ەكەنىن دە اتاپ ءوتتى.
اتاپ ايتقاندا, «استانا-بۋراباي» تاسجولىندا كولىكتەردىڭ ورتاشا جىلدامدىعى ساعاتىنا 140 كم ەكەنىنە قاراماستان, 180 كم ءجۇرىپ وتكەن كولىكتەر تىركەلگەن.
«پارلامەنت سەناتىنىڭ قاراۋىنا «رەسپۋبليكالىق جولداردا ورتاشا جىلدامدىقتى ەنگىزۋ تۋرالى» زاڭ جوباسى ۇسىنىلدى. زاڭدى بيىلعى قازان ايىندا قابىلداۋ جوسپارلانعان. قازىرگى ۋاقىتتا باس پروكۋراتۋرامەن جانە ىشكى ىستەر مينيسترلىگىمەن بىرلەسىپ ورناتىلاتىن كامەرالاردىڭ اۆتوماتتى تۇردە ايىپپۇل سالۋ تاسىلدەرى پىسىقتالىپ جاتىر. زاڭ قابىلدانعانعا دەيىن ينتەگراتسيانى تولىعىمەن اياقتاۋدى جوسپارلاپ وتىرمىز», دەدى مارات قاراباەۆ.
