فوتو: senate.parlam.kz/
شارا جاڭا زاڭنامالىق باستامالار بويىنشا جان-جاقتى تالداۋ مەن پىكىر الماسۋعا ارنالدى. تالقىلاۋ اياسىندا تانىستىرىلىمدار بولىپ, پىكىرتالاستار ورىستەدى. ولاردىڭ بارىسىندا پروبلەمالاردى جاريا ەتۋگە جانە ولاردىڭ شەشىمدەرىن ۇسىنۋعا مۇمكىندىك بەرىلدى.
سەناتور نۋريا نيازوۆا بارلىق مۇددەلى تاراپتاردىڭ پروبلەمالاردى ويداعىداي شەشۋ ءۇشىن بىرلەسىپ جۇمىس ىستەۋىنىڭ ماڭىزدىلىعىن اتاپ ءوتتى جانە جاڭا كودەكستەردى ىسكە اسىرۋ كاسىپكەرلىك قىزمەت پەن ينۆەستيتسيا تارتۋ ءۇشىن قولايلى جاعداي جاسايتىنىنا سەنىم ءبىلدىردى.
«جاڭا سالىق جانە بيۋدجەت كودەكستەرى ەلىمىزدەگى ەكونوميكالىق جاعدايدى جاقسارتۋعا باعىتتالعان. ءبىز ولاردى ءتيىمدى ەنگىزۋگە ءتيىسپىز جانە كەيىننەن باقىلاۋ ءۇشىن كۇش بىرىكتىرۋىمىز كەرەك. جاڭا قۇجاتتار قازاقستاندا ورنىقتى ءوسۋ مەن تۇراقتىلىق ءۇشىن نەگىز بولادى دەپ كۇتىلۋدە», دەدى سەناتور ن.نيازوۆا.
كەزدەسۋ قورىتىندىسى بويىنشا جاڭا سالىق جانە بيۋدجەت كودەكستەرىن ەنگىزۋ جانە ىسكە اسىرۋعا باعىتتالعان ۇسىنىمدار مەن بۇدان بىلايعى ءىس-قيمىل جوسپارى ازىرلەندى. سەناتورلار مەملەكەتتىك ورگاندار, بيزنەس جانە جۇرتشىلىق اراسىنداعى ديالوگ پەن ءوزارا ءىس-قيمىلدى جالعاستىرۋدىڭ ماڭىزدىلىعىن اتاپ ءوتتى.
