ءحىح عاسىردىڭ ورتا تۇسىندا گرەكيادا وليمپيا ويىندارىن قايتا جانداندىرۋ ماقساتىندا ءبىراز ارەكەت جاسالدى. ءسويتىپ, 1859, 1870, 1875 جانە 1889 جىلدارى افينادا گرەك سپورتشىلارىنىڭ قاتىسۋىمەن سەكىرۋ, جۇگىرۋ, ديسك, نايزا لاقتىرۋ, گيمناستيكا سياقتى سپورت تۇرلەرىنەن جارىستار ءوتتى. وليمپيادا ويىندارى بۇكىل گرەكيانى بىرىكتىرەتىن, جالپىۇلتتىق وقيعاعا اينالدى. 1890 جىلى وليمپيادالىق قوزعالىستىڭ بەلسەندى قايراتكەرى پەر دە كۋبەرتەن سپورت سايىسىنىڭ زاماناۋي ۇلگىدە ۇيىمداستىرىلۋىنا ۇلكەن سەپتىگىن تيگىزەدى. وسىلايشا, العاشقى وليمپيادا ويىندارى گرەكيانىڭ افينى قالاسىندا وتكەن ەدى.
