كazinform.kz حابارلاعانداي, جارىستان شىققان بەتتە قازاقستان تىلشىلەرىنە ەل ءۇمىتىن اقتاي الماعانى ءۇشىن كەشىرىم سۇراپ, اعىل-تەگىل كوز جاسىنا ەرىك بەرگەن ەدى. بۇگىن ابۋجاقىنوۆانىڭ جەكە باپكەرى نۇربول سۇلەيمەنوۆ العاش رەت شاكىرتىنىڭ قازىرگى كوڭىل-كۇيى قالاي ەكەنىن ايتىپ بەردى.
«جەڭىلىپ قالعاننان كەيىن ءبىر كۇنگە دەيىن ەشكىممەن سويلەسكەن جوق. جىلاي بەردى. مەن دە ەشتەڭە ايتپادىم, سويلەسپەدىم. ونداي كەزدە بىردەڭە ايتۋدىڭ ءوزى ارتىق. ەرتەڭىنە اشۋى باسىلىپ, ءوز-وزىنە كەلگەننەن كەيىن عانا سويلەستىم. قازىر كوڭىل-كۇيى دۇرىستالىپ قالدى», دەدى باس باپكەر.
سونىمەن قاتار ءابيبا ابۋجاقىنوۆانىڭ وسىعان دەيىنگى ەشكىمگە ايتپاعان قۇپيا جوسپارىن دا ايتىپ قالدى.
ء«ابيبانىڭ ءوزىنىڭ وسىعان دەيىن ەشكىمگە ايتپاي كەلە جاتقان جوسپارى بولعان. «ەگەر وسى پاريجدە جۇلدەگە قول جەتكىزىپ, چەمپيون بولسام, سپورتتىق مانسابىمدى اياقتايمىن» دەگەن. وكىنىشكە قاراي, ول جوسپارى ورىندالمادى. ەندى بۇگىن سويلەسسەم, «اعا, مەن ءبارىبىر, وليمپيادا جۇلدەسىن الماي سپورتپەن قوشتاسپايمىن» دەدى. نەگىزى ءابيبا وتە نامىسشىل قىز. قايسار قىز», دەدى ونىڭ جەكە باپكەرى نۇربول سۇلەيمەنوۆ.
ەستەرىڭىزدە بولسا ءابيبا ابۋجاقىنوۆا وليمپيادا ويىندارىن 5-ورىنمەن اياقتاعان بولاتىن.
