قازىر قونىس تويىن اتاپ وتۋگە استانا, سەمەي, شىمكەنت, الماتى, اقتوبە, تاراز جانە تاعى باسقا ءوڭىر تۇرعىندارى دايىندالىپ جاتىر. ولاردىڭ بارلىعى جۋىردا عانا «ناۋرىز» باعدارلاماسى بويىنشا زاەم الدى. بيىلعى 24 شىلدەدە KASE-دە بانكتىڭ الەۋمەتتىك وبليگاتسيالارىنىڭ ەكى شىعارىلىمىن ورنالاستىرۋ بويىنشا مامانداندىرىلعان ساۋدا-ساتتىق ءوتتى, ناتيجەسىندە نەسيەلەندىرۋگە 170,5 ملرد تەڭگە قاراجات تارتىلدى.
ءبىر وبليگاتسيانىڭ نومينالدى قۇنى – 1000 تەڭگە. بۇل رەتتە تارتىلعان قاراجات مولشەرلەمەسى ساۋدا-ساتتىقتى وتكىزۋ قورىتىندىسى بويىنشا ايقىندالدى جانە 14,25% قۇرادى. وبليگاتسيالاردىڭ اينالىم مەرزىمى - 5 جىل. كۋپوندى تولەۋ كەزەڭدىلىگى – جىلىنا 2 رەت.
بانك وبليگاتسيالارىن ساتىپ الۋدىڭ ارتىقشىلىعى – بۇل كۋپوندىق سىياقى ءۇشىن سالىقتىڭ سالىنباۋى, سەبەبى وتباسى بانك قر قارجى اگەنتتىكتەرىنىڭ تىزبەسىنە كىرەدى, سونداي-اق اتالمىش وبليگاتسيالاردىڭ KASE-ءنىڭ «رەسمي» تىزىمىنە ەنگىزىلۋىنە بايلانىستى.
بۇدان باسقا, وبليگاتسيالار رەپو ەميتەنتتىڭ مەملەكەتتىك قاتىسۋ ۇلەسى بار وبليگاتسيالارى قورجىنىنا ەنگىزىلەتىن بولادى جانە ولار بويىنشا ماركەت-مەيكەردىڭ بولۋى بولجانادى.
ساۋدا-ساتتىققا ينۆەستورلاردىڭ كەڭ اۋقىمى – ەكىنشى دەڭگەيلى بانكتەر, ساقتاندىرۋ كومپانيالارى, بروكەرلىك ۇيىمدار مەن ينستيتۋتسيونالدىق ينۆەستورلار قاتىستى.
«وتباسى بانكىنىڭ وبليگاتسيالارى – الەۋمەتتىك وبليگاتسيالار مارتەبەسىنە يە. بۇل قوسىمشا وپتسيا ولاردىڭ يەلەرىنە ESG دامۋ ساياساتىن جۇزەگە اسىرۋ اياسىندا ايتارلىقتاي ارتىقشىلىق بەرەدى. سونداي-اق قور بيرجاسىندا ءبىزدىڭ وبليگاتسيالاردى ساتىپ العان ينۆەستورلار ءىس جۇزىندە «ناۋرىز» باعدارلاماسىنىڭ قاتىسۋشىلارى بولدى. ولار ەرەكشە مۇقتاج ازاماتتاردىڭ ساناتتارىنا قولجەتىمدى نەسيە بەرۋ ءۇشىن قاراجات تۇرىندە قورلاندىرۋ جاسادى دەگەن ءسوز. مەن سەرىكتەستەرىمىزگە قوسقان بۇل ۇلەستەرى ءۇشىن العىس ايتامىن. ولاردىڭ قولداۋلارىنىڭ ارقاسىندا بيىل 12 500 قازاقستان ازاماتتارى قونىس تويىن اتاپ وتەدى», دەدى وتباسى بانكىنىڭ باسقارما توراعاسى ءلاززات يبراگيموۆا.
گۇلميرا نۇرپەيىسوۆا «ناۋرىز» باعدارلاماسى بويىنشا ەلىمىزدە ءبىرىنشى بولىپ نەسيە الىپ, ءوز پاتەرىنىڭ كىلتىنە قول جەتكىزدى. ول اباي اۋدانى اۋداندىق اۋرۋحاناسىندا جۇمىس ىستەيدى. كۇيەۋىمەن بىرگە 4 بالا تاربيەلەپ وتىر. كوپبالالى وتباسى وسىعان دەيىن اۋىلداعى اتا-اناسىنىڭ ۇيىندە تۇرىپ كەلگەن. باعدارلاما قاتىسۋشى سەمەيدە ەكى بولمەلى, ارلەنگەن پاتەر ساتىپ الدى. كوپ بالالى انا رەتىندە ول زاەمدى جىلدىق 7% مولشەرلەمەمەن راسىمدەدى (جتسم 7,3%-دان 8,9%-عا دەيىن).
ء«بىز سياقتى ۇلكەن وتباسىعا ارينە جەكە باسپانا قاجەت. 2016 جىلى وتباسى بانكىندە دەپوزيت اشتىم جانە وعان بىرىگىپ قاراجات جيناي باستادىق. سالىمىم تەزىرەك ءوسۋى ءۇشىن جالاقى العان كەزدە اقشام بىردەن بانكتەگى دەپوزيتىمە اۋدارىلاتىنداي ەتىپ اۆتوتولەم قىزمەتىن ورناتىپ قويدىم. ناتيجەسىندە سول جيناقتالعان قاراجاتىم, سونداي-اق وتباسىمنىڭ ۇلكەن قۇرامى ماعان «ناۋرىز» باعدارلاماسى قاتىسۋشىلارىنىڭ تىزىمىنە ەنۋگە كومەكتەستى», دەپ گۇلميرا نۇرپەيىسوۆا ءوز قۋانىشىمەن ءبولىستى.
«ناۋرىز» باعدارلاماسىنا قاتىسۋشىلار تىزىمىنە ەنگەن بارلىق 12 500 قازاقستان ازاماتتارى قازىرگى ۋاقىتتا تولەم قابىلەتتىلىگىن تەكسەرىپ جاتىر.
