بۇل كەزدەسۋ مەملەكەت باسشىسىنىڭ قازاقستان حالقى اسسامبلەياسىنىڭ ءحححىىى سەسسياسىندا بەرگەن جاستاردىڭ جوبالارى مەن باستامالارىنا ورتالىق مەملەكەتتىك جانە جەرگىلىكتى اتقارۋشى ورگاندار تاراپىنان جان-جاقتى قولداۋ كورسەتۋگە قاتىستى تاپسىرمالارىن ىسكە اسىرۋ اياسىندا ۇيىمداستىرىلدى.
جيىنعا پرەزيدەنت اكىمشىلىگى قازاقستان حالقى اسسامبلەياسى حاتشىلىعىنىڭ, قر مادەنيەت جانە اقپارات مينيسترلىگىنىڭ, «اسسامبلەيا جاستارى» ۇيىمىنىڭ وكىلدەرى قاتىستى.
وتىرىس بارىسىندا حالىقارالىق ۇيىمدار دەڭگەيىندە قوعامدىق كەلىسىم مەن بىرلىكتىڭ وتاندىق مودەلىن ىلگەرىلەتۋگە باعىتتالعان «اسسامبلەيا جاستارى» رقب جاستار جوبالارىنىڭ تىزبەسىن انىقتاۋ, سونداي-اق جاستار ءۇشىن حالىقارالىق ۇيىمداردىڭ ءبىلىم بەرۋ, گۋمانيتارلىق جانە قوعامدىق جۇمىستارىنا قاتىسۋ جاڭا مۇمكىندىكتەر جاساۋ ماسەلەلەرى تالقىلاندى.
بۇل رەتتە «اسسامبلەيا جاستارى» رقب-نىڭ بىرقاتار باستامالارى قارالدى. قازاقستان حالقى اسسامبلەياسىنىڭ 30 جىلدىق مەرەيتويى جىلىندا يۋنەسكو-نىڭ پاريجدەگى شتاب-پاتەرىندە يۋنەسكو باسشىلىعىنىڭ قاتىسۋىمەن جەكە كورمە, كونفەرەنتسيا نەمەسە دوڭگەلەك ۇستەل اياسىندا قحا مەن «اسسامبلەيا جاستارى» جاستار ۇيىمى قىزمەتىنىڭ تۇساۋكەسەرىن ۇيىمداستىرۋ جوسپارلاندى.
سونداي-اق «اسسامبلەيا جاستارى» رقب ۇيىمىن يۋنەسكو-نىڭ جاھاندىق جاستار قوعامداستىعىنىڭ مۇشەلىگىنە ەنگىزۋگە جانە ۇيىمنىڭ 2025 جىلى يۋنەسكو جاستار فورۋمىنىڭ جۇمىسىنا قاتىسۋىنا كومەك كورسەتۋ; قحا جاستار وكىلدەرىنىڭ قاتىسۋىمەن جانە نيۋ-يوركتە بۇۇ ەكونوميكالىق جانە الەۋمەتتىك كەڭەسىنىڭ جاستار فورۋمى اياسىنداعى «اسسامبلەيا جاستارى» قىزمەتىنىڭ تۇساۋكەسەرى; حالىقارالىق ۇيىمداردىڭ جاستار كەڭەستەرىنە قوسۋ تۋرالى ۇسىنىستار ايتىلدى.
