فوتو: ۆيدەودان الىنعان كادر
الەۋمەتتىك جەلىدە تاراپ كەتكەن ۆيدەوعا زەر سالساق, ىشىمدىككە ماسايعان ەر ادامنىڭ قولىنا پىشاق ۇستاپ, ليفتكە كىرىپ جاتقانىن بايقاۋعا بولادى.
بالاسىمەن بىرگە ليفتكە كىرمەك بولعان ايەل پىشاق ۇستاعان ەر ادامدى كورىپ, ويىنان اينىپ, كىرمەگەن.
استانا قالاسىنىڭ پوليتسيا دەپارتامەنتى ەر ادامنىڭ جەكە باسى انىقتالعانىن حابارلادى.
«استانا قالاسىنىڭ 46 جاستاعى تۇرعىنى ۇستالدى. قۇقىق بۇزۋشىعا قاتىستى بۇزاقىلىق ارەكەتتەرى ءۇشىن اكىمشىلىك ءىس قوزعالدى. ماتەريال سوتقا جىبەرىلدى», دەپ حابارلادى استانا پد ءباسپاسوز قىزمەتى.
بۇعان دەيىن الماتى قالاسىنداعى كوپقاباتتى ۇيلەردىڭ بىرىندەگى بەلگىسىز بىرەۋ جاسوسپىرىمگە الىمجەتتىك كورسەتكەنىن حابارلاعان ەدىك. اتالعان وقيعا دا تۇرعىن ءۇيدىڭ ليفتىندە بولعان.
