فوتو: Twitter/keshabpoudel2
Katmandupost باسىلىمىنىڭ حابارلاۋىنشا, بورتتا ەكيپاج مۇشەلەرىن قوسقاندا 19 ادام بولعان. الدىن الا مالىمەت بويىنشا, ۇشاق قۇلاعان جەردەن 18 ادامنىڭ ءمايىتى شىعارىلعان.
اۋەجاي باسشىلىعىنىڭ ايتۋىنشا ۇشاقتا جولاۋشىلار ەمەس, تەك تەحنيكالىق ماماندار بولعان.
انىقتالعانداي, اپات جەرگىلىكتى ۋاقىت بويىنشا ساعات 11:00-دە ۇشۋ-قونۋ جولاعىنان كوتەرىلۋ كەزىندە بولعان. ۇشاق ەلدەگى حالقى ەڭ كوپ ەكىنشى قالا پوحاراعا بەت العان. كۋاگەرلەردىڭ ايتۋىنشا ۇشاق ۇشۋ-قونۋ جولاعىنىڭ وڭتۇستىك شەتىنەن (كوتەشۆور جاعى) كوتەرىلىپ بارا جاتقاندا كەنەت اۋدارىلىپ, قاناتىنىڭ ۇشىمەن جەرگە سوعىلىپ, بىردەن وتقا ورانعان. سودان كەيىن ول ۇشۋ-قونۋ جولاعىنىڭ شىعىس جاعىنداعى - Buddha Air انگارى مەن راديولوكاتسيالىق ستانتسيانىڭ اراسىنداعى سايعا قۇلاعان.
وقيعا ورنىندا پوليتسيا مەن ءورت سوندىرۋشىلەر قۇتقارۋ جۇمىستارىن جۇرگىزىپ جاتىر.
