يادرولىق قارۋدى تاراتپاۋ جانە قارۋسىزدانۋ سالاسىنداعى قازىرگى كۇردەلى گەوساياسي شىندىق جاعدايىن تاقىرىپقا ارقاۋ ەتكەن مۇنداي ماڭىزدى وقيعا شارت ەرەجەلەرىنىڭ ورىندالۋىنا شولۋ جاسايتىن نەگىزگى الاڭ.
ءىس-شارانى اشقان توراعا, قازاقستان سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋللين ياقتش ماقساتتارىنا قول جەتكىزۋ ءۇشىن الەمدىك قاۋىمداستىقتىڭ بىرلەسكەن جۇمىسىنىڭ ماڭىزىن اتاپ ءوتىپ, ەلىمىزدىڭ جاھاندىق يادرولىق قارۋسىزدانۋ ىسىنە بەيىلدىلىگىن راستادى.
ياقتش-عا قاتىسۋشى 190 مەملەكەتتىڭ دەلەگاتتارى الداعى ەكى اپتا ىشىندە ياقتش-نىڭ ءۇش تىرەگى: يادرولىق قارۋسىزدانۋ, اتوم ەنەرگياسىن تاراتپاۋ جانە بەيبىت ماقساتتا پايدالانۋ بويىنشا حالىقارالىق ىنتىماقتاستىق پەن سەنىمدى نىعايتۋعا باعىتتالعان قارقىندى تالقىلاۋلارعا قاتىسادى.
ۇلتتىق تۇرعىدا قازاقستان دەلەگاتسياسى يادرولىق قارۋعا تىيىم سالۋ تۋرالى شارتقا (ياقتسش) قاتىسۋشى مەملەكەتتەردىڭ اتىنان بىرلەسكەن مالىمدەمە جاساپ, يادرولىق سىناقتاردان زارداپ شەككەندەرگە كومەك كورسەتۋ ءۇشىن نىسانالى قور قۇرۋدىڭ ماڭىزىن اتاپ ءوتتى.
ەكىنشى دايىندىق كوميتەتىنىڭ جۇمىسى بيىل 2 تامىزعا دەيىن جالعاسادى. 1970 جىلى كۇشىنە ەنگەن يادرولىق قارۋدى تاراتپاۋ تۋرالى شارت (ياقتش) – يادرولىق قارۋدىڭ تارالۋىن بولدىرماۋعا, يادرولىق قارۋسىزدانۋعا جاردەمدەسۋگە جانە يادرولىق ەنەرگيانى بەيبىت ماقساتتا پايدالانۋدى ىلگەرىلەتۋگە باعىتتالعان ىرگەلى حالىقارالىق قۇجات. ياقتش شولۋ كونفەرەنتسيالارى بەس جىل سايىن شارتتىڭ ورىندالۋىن باعالاۋ جانە ونىڭ ماقساتتارىنا جەتۋدىڭ كەلەسى جۇمىس باعىتىن ايقىنداۋ ءۇشىن وتكىزىلەدى.
