فوتو: facebook/Wolfe County Search & Rescue Team
CBS News حابارلاۋىنشا, وگايو شتاتىنان كەلگەن 48 جاستاعى سكوتت حيرن 6 شىلدەدە كەنتۋككيدىڭ شىعىسىنداعى تىك جارتاستار مەن سارقىرامالارمەن ايگىلى ءشولدى ايماق رەد-ريۆەر شاتقالىنداعى سارقىرامالاردى ىزدەۋگە شىعىپ, جوعالىپ كەتكەن.
ەر ادامنىڭ تۋىستارى دابىل قاعىپ, قۇتقارۋ توپتارى ءتۋريستى قارقىندى ىزدەۋگە كىرىسكەن.
ولار اۋماقتى كۇن سايىن قاراپ, بىراق حەرنەنىڭ ءىزىن تاپپاعان. وپەراتسياعا قاتىسۋشىلاردىڭ وزدەرى مويىنداعانداي, جوعالىپ كەتكەننەن كەيىن, ولار سكوتتتى ءتىرى تابامىز دەپ مۇلدە ويلاماعان.
الايدا, قۇتقارۋشىلار توبى تۋريستەر بارمايتىن شالعاي جەرلەردى تەكسەرۋدى ۇيعارىپ, ناتيجەسىندە ەر ادامنىڭ اياق كيىمىنىڭ ءىزىن تاپقان. قۇتقارۋشىلار قايتا توپتاسۋ ءۇشىن توقتاعان كەزدە جارتاستان شىققان ءالسىز, انىق ەمەس دىبىستى ەستىگەن. ولار «كومەكتەس» دەگەن ءسوزدى ەستىگەندە داۋىس شىققان جاققا قاراي بەت العان. ناتيجەسىندە, سكوتت حيرن جىرادان تابىلعان.
«ول ماعان قاراپ: «كوپ راقمەت, مەنى قۇشاقتاشى», دەدى. مەنىڭ كوزىمنەن جاس اعىپ, مەن ونى قاتتى قۇشاقتادىم», دەدى قۇتقارۋشى ۋولتەرمان.
قۇتقارۋشىلار توبى ءتۋريستى تىكۇشاقتىڭ كومەگىمەن شىعارىپ العان.
«حەرن مىرزانىڭ 14 كۇن جوعالىپ, 12 كۇن تاماق پەن سۋسىز قالعاننان كەيىن ءتىرى تابىلۋى شىنىمەن كەرەمەت», دەدى قۇتقارۋ توبى.
