اشىق سوت كابينەتىندەگى مالىمەتكە سۇيەنسەك, وقيعا بيىل 27 ساۋىردە كەشكى ساعات 20.50 شاماسىندا ورىن العان. پوليتسيا پودپولكوۆنيگى اناسىنا قول كوتەرىپ, دەنساۋلىعىنا جەڭىل دارەجەدەگى زيان كەلتىرگەن.
سوت وتىرىسىندا پوليتسەيدىڭ اناسى ۇلى قول كوتەرگەنىن راستاعان. ال ءتارتىپ ساقشىسى اشۋ ۇستىندە اناسىن ۇرعانىن مويىنداپ, كەشىرىم سۇراعان.
4 شىلدەدەگى سوت شەشىمىمەن پوليتسيا قىزمەتكەرى اكىمشىلىك قۇقىق بۇزۋشىلىق تۋرالى كودەكستىڭ 73-1-بابىنىڭ 1-1-بولىگىمەن كىنالى دەپ تانىلدى. وعان اكىمشىلىك جازا رەتىندە ەسكەرتۋ بەرىلدى. سوت شەشىمى شىققان سوڭ پوليتسيا پودپولكوۆنيگى جۇمىستان بوساتىلدى.
- اتالعان جايتقا قاتىستى ءىس-قۇجاتتار جيناقتالىپ, شەشىم قابىلداۋ ءۇشىن مامانداندىرىلعان اۋدانارالىق سوتىنا جولدانعان. سونىمەن قاتار, قىزمەتتىك تەكسەرۋ جۇرگىزىلىپ, ونىڭ ناتيجەسىنە سايكەس پوليتسيا قىزمەتكەرى ىشكى ىستەر ورگاندارىنان شىعارىلدى, – دەلىنگەن پوليتسيا مالىمەتىندە.
ايتا كەتەيىك, ءتارتىپ ساقشىسى قالالىق پوليتسيا دەپارتامەنتىنە قاراستى جەدەل باسقارۋ ورتالىعىنىڭ ينسپەكتورى قىزمەتىن اتقارعان.
