فوتو: ۇكىمەت
قالپىنا كەلتىرۋ جۇمىستارى قوستاناي, اقمولا, اقتوبە وبلىستارىن قامتيدى. بولىنگەن قاراجاتتىڭ جالپى سوماسى – 7,5 ملرد تەڭگە. اتالعان قاراجات ب ۇلىنگەن نىسانداردى قالپىنا كەلتىرۋگە, سونداي-اق قيراعان نىسانداردىڭ ورنىنا جاڭا ءبىلىم بەرۋ مەكەمەلەرىن سالۋعا جۇمسالادى.
قوستاناي وبلىسىندا جانگەلدين اۋدانىنداعى ايسا نۇرمانوۆ اتىنداعى مەكتەپ عيماراتىن جوندەۋ جوسپارلانعان. اقمولا وبلىسى اتباسار قالاسىندا №1 مەكتەپ, اتباسار اۋدانى سەرگەەۆكا اۋىلىندا «ەسىل» ساۋىقتىرۋ كەشەنى, سونداي-اق دەرجاۆينسك قالاسىندا اباي اتىنداعى مەكتەپ سالىنادى. اقتوبە وبلىسىندا كوتىبار باتىر اتىنداعى مەكتەپ جانە مۇعالجار اۋدانىنداعى «بالاۋسا» بالاباقشاسى, ويىل اۋدانىنداعى «بالبوبەك» مەكتەپ-باقشاسى مەن بالاباقشاسى, ەكپەتال مەكتەبى قامتىلادى.
بولىنگەن قاراجات جەرگىلىكتى اتقارۋشى ورگاندارعا ب ۇلىنگەن عيماراتتاردى الداعى وقۋ جىلى باستالعانعا دەيىن ۋاقىتىلى قالپىنا كەلتىرۋگە مۇمكىندىك بەرەدى. ايتا كەتەيىك, بۇل ءبىلىم بەرۋ پروتسەسىنىڭ ۇزدىكسىز جۇرگىزىلۋىن قامتاماسىز ەتەدى.
