فوتو: gov.kz
فابريكانىڭ جوبالىق قۋاتى – جىلىنا 200 مىڭ توننا كەن وڭدەۋ جانە 200 كەلىگە دەيىن تاۋارلىق ءونىم ءوندىرۋ. التىن-كۇمىس قورىتپاسىن شىعاراتىن جاڭا كاسىپورىن 2024 جىلدىڭ IV توقسانىندا ونەركاسىپتىك پايدالانۋعا بەرىلەدى دەپ جوسپارلانىپ وتىر.
كەن «رودنيكوۆوە» جانە «بەلايا گوركا» كەن ورىندارىن يگەرەتىن جاقىن ماڭداعى كارەرلەردەن كەلەدى. وسىلايشا, كەن وندىرۋدەن باستاپ دورە قورىتپاسىن وندىرۋگە دەيىنگى جاڭا تولىق تسيكلدى كاسىپورىن پايدا بولادى. كەنىشتىڭ قازىرگى راستالعان مينيمالدى قورى فابريكانىڭ كەم دەگەندە 8-10 جىل جۇمىس ىستەۋىن قامتاماسىز ەتۋ ءۇشىن جەتكىلىكتى.
جوبانىڭ جالپى قۇنى – 1 ملرد تەڭگە. التىن ءوندىرۋ فابريكاسىنىڭ قۇرامىنا ۇساقتاۋ-سۇرىپتاۋ كەشەنى, گيدرومەتاللۋرگيالىق تسەحتىڭ تەحنولوگيالىق جەلىسى, زەرتحانا, اكىمشىلىك-تۇرمىستىق كەشەن, قىزمەتكەرلەرگە ارنالعان تۇرمىستىق, سانيتارلىق ءۇي-جايلار كىرەدى. فابريكانىڭ سالىنىپ, ىسكە قوسىلۋىنىڭ ارقاسىندا 60-قا جۋىق جاڭا جۇمىس ورنى اشىلادى. جۇمىسقا جاقىن ماڭداعى ەلدى مەكەن تۇرعىندارى قابىلدانادى.
