كورمەدە قازاق بەينەلەۋ ونەرىنىڭ كلاسسيكالىق تۋىندىلارىنان باستاپ, قازىرگى زامانعى قىلقالام شەبەرلەرىنىڭ جاۋھارلارى ۇسىنىلدى. جوبا كۋراتورى رەتىندە ونەرتانۋ پروفەسسورى ولگا باتۋرينا مەن ونەر سالاسىنداعى ءبىلىم بەرۋ, مەديا جانە ماركەتينگ باعىتتارى بويىنشا جۇمىس ىستەيتىن وتاندىق جوبا «اrt Society» توبى شاقىرىلعان.
العاشقى قۇتتىقتاۋ ءسوزدى مۋزەي ديرەكتورىنىڭ ورىنباسارى اقمارال يبراەۆا جەتكىزدى. «كورمەنى ۇيىمداستىرۋداعى باستى ماقساتىمىز – ۇلتىمىزدىڭ بولمىسى, ادەت-عۇرپى مەن مادەنيەتىن كورسەتۋ. وسى كورمەنىڭ اياسىندا كاتالوگتىڭ شىعۋىنىڭ ءوزى مۇنداعى ءتۇرلى بەينەلەۋ ونەرى تۋىندىلارىنىڭ ارنايى عىلىمي تۇرعىدا حالىققا جەتۋى مەن ناسيحاتتالۋىنا ىقپال جاسايتىن يگىلىكتى ءىس», دەدى ول.
كورمە كۋراتورى ولگا باتۋرينا ەكسپوزيتسيالاردىڭ ۇلت رۋحانياتىنىڭ بەت-بەينەسىن شەبەر بەينەيلەيتىن تولتۋمالىعى ارقىلى تاڭدالعانىن ايتتى. ء«بىز قازاق ۇلتتىق كەسكىندەمە مەكتەبىنىڭ دامۋ تاريحىن بىرەگەي, دارا, جارقىن قۇبىلىس رەتىندە كورسەتە وتىرىپ, مەرەيتويلىق كورمەنىڭ ەلىمىزدىڭ مادەني ومىرىندەگى اۋقىمدى وقيعالاردىڭ بىرىنە اينالعانىن, ونىڭ بارلىق ونەر سۇيەر قاۋىمنىڭ جانە قازاق كەسكىندەمەسىنىڭ ەسىگىن العاش اشىپ جاتقان جانداردىڭ نازارىن وتاندىق ونەرگە اۋدارۋدى قالادىق. بۇل كورمەدە ءبىز مەرەكەلىك كوڭىل-كۇي جاساپ, قازاق كەسكىندەمە تاريحىنداعى ەڭ جارقىن, ەڭ جاقسى ءارى ماڭىزدى تۋىندىلاردى كورسەتكىمىز كەلدى», دەدى و.باتۋرينا.
كورمە «بابالار رۋحى», «وتباسى. ماحاببات. كوكتەم. بالالىق شاق», «شەبەرلەر مەن جاۋھارلار», «تاۋلار مەن دالا پوەزياسى» جانە زاماناۋي قازاق ونەرىنىڭ پانوراماسى ۇسىنلىعان بەس بولىمنەن تۇرادى.
