استانادا ءىرى قۇرىلىس كومپانياسىنىڭ بۇرىنعى ەكونوميسى سوتتالدى

انىقتالعانداي, سوتتالۋشى ءىرى قۇرىلىس كومپانياسىندا ەكونوميست بولىپ جۇمىس ىستەگەن.  ول 1س بۋحگالتەرلىك ەسەپ بازاسىنا قول جەتكىزە وتىرىپ, كونتراگەنتتەر تىزىمىنە جۇبايىنىڭ اتىنا راسىمدەلگەن فيرمانى قوسقان. كەيىن اتالعان فيرمادان تولەم الۋ ءۇشىن جارامسىز شوتتاردى بۋحگالتەرياعا ۇسىنعان.

«وسىلايشا, جۇمىستاردى ورىنداماي جانە قىزمەت كورسەتپەي, سوتتالۋشىنىڭ جۇبايىنىڭ فيرماسىنىڭ شوتىنا 2022 جىلدىڭ قاڭتار-ءساۋىر ايلارى ارالىعىندا قۇرىلىس كومپانياسىنىڭ شوتىنان 73,3 ميلليون تەڭگەدەن استام, 2022 جىلدىڭ مامىر-تامىز ايلارى ارالىعىندا 26,8 ميلليون تەڭگە اۋدارىلدى. قۇرىلىس كومپانياسىنا جالپى سوماسى 100 ميلليون تەڭگەدەن استام شىعىن كەلتىرىلدى», دەلىنگەن سوت حابارلاماسىندا.

سوتتا ايىپتالۋشى كىناسىن مويىنداماعان. الايدا, ونىڭ كىناسى جابىرلەنۋشىنىڭ, كۋاگەرلەردىڭ ايعاقتارىمەن, اقشا اۋدارىمدارى تۋرالى مالىمەتتەرمەن, زاتتار مەن قۇجاتتاردى قاراۋ حاتتامالارىمەن جانە بۋكمەكەرلىك كەڭسەنىڭ جاۋاپتارىمەن دالەلدەنگەن.

سوت ۇكىمىمەن ك., كىنالى دەپ تانىلىپ, 6 جىلعا باس بوستاندىعىنان ايىرىلدى. سونداي-اق سوت جابىرلەنۋشى تاراپتىڭ جالپى سوماسى 100 ميلليون تەڭگەدەن استام ازاماتتىق تالاپتارىن قاناعاتتاندىرعان.

ۇكىم زاڭدى كۇشىنە ەنگەن جوق.