فوتو: ۇقك ءباسپاسوز قىزمەتى
كوميتەتتىڭ حابارلاۋىنشا, ەكى جەرگىلىكتى تۇرعىن ەسىرتكىنىڭ كەزەكتى پارتياسىن دايىنداپ جاتقان جەرىنەن ۇستالعان.
ۇلتتىق قاۋىپسىزدىك كوميتەتىنىڭ رەسمي سايتىندا جاريالانعان مالىمەتتەرگە سايكەس, 60 كەلىدەن استام پسيحوتروپتىق زاتتار مەن 2,5 توننا پرەكۋرسورلار, سونداي-اق «سينتەتيكا» وندىرۋگە ارنالعان قۇرال-جابدىقتار تاركىلەنگەن.
«قىلمىستىق كودەكستىڭ 297-بابىنىڭ 3-بولىگىمەن (وسى قىلمىستىق قۇقىق بۇزۋشىلىق ءۇشىن 15 جىلعا دەيىن باس بوستاندىعىنان ايىرۋ كوزدەلگەن) سوتقا دەيىنگى تەرگەۋ جۇرگىزىلۋدە», دەپ حابارلادى ۇقك-ءنىڭ ءباسپاسوز قىزمەتى.
قىلمىستىق ءىس جۇرگىزۋ كودەكسىنىڭ 201-بابىنىڭ 1-بولىگىنە سايكەس وزگە مالىمەتتەر جاريا ەتىلمەيدى.
