قالالىق پوليتسيا باسقارماسىنا كەشكى ۋاقىتتا جەرگىلىكتى تۇرعىن ارىزدانىپ كەلگەن.
ايەلدىڭ ايتۋىنشا, كۇندىزگى ساعات 12:00 شاماسىندا قىزى ۇيىنەن شىعىپ كەتىپ, سودان حابارسىز كەتكەن. 13 جاستاعى ءجاسوسپىرىم قىزدى اناسى ءوز بەتىنشە ىزدەۋدەن ەش ناتيجە شىقپاعان سوڭ پوليتسيا قىزمەتكەرلەرىنەن كومەك سۇراعان.
پوليتسەيلەر اقپارات الىسىمەن بىردەن ىزدەۋ جۇمىسىنا كىرىسكەن. ءتارتىپ ساقشىلارى تاۋلىك ىشىندە قىزدىڭ جۇرگەن جەرىن انىقتاپ, ونى ساياباقتا دوستارىمەن قىدىرىپ جۇرگەن جەرىنەن تاپتى. جاس قىز اناسىنا ۇيالى تەلەفون الىپ بەرمەگەنى ءۇشىن رەنجىسىپ, ۇيىنەن شىعىپ كەتكەن. سودان دوستارىنىڭ ۇيىندە تۇنەگەنى بەلگىلى بولدى.
- ءجاسوسپىرىم امان-ەسەن اناسىنا تاپسىرىلدى. ىزدەۋگە اتسالىسقان پوليتسەيلەرگە قالا تۇرعىنى العىسىن ءبىلدىردى. سونىمەن قاتار ۇيىنەن سەبەپسىز قاشىپ كەتكەن قىز بەن ونىڭ اناسىنا پروفيلاكتيكالىق اڭگىمەلەسۋ جۇرگىزىلدى, - دەلىنگەن وبلىستىق پد حابارلاماسىندا.
