باياۋ جىلجيتىن وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىمدەر ەلدىڭ باسىم بولىگىندە اۋا رايىنىڭ تۇراقسىز سيپاتىن ساقتايدى, نايزاعايمەن, بۇرشاقپەن جانە قاتتى جەلمەن جاڭبىر جاۋادى, سولتۇستىكتە, شىعىستا, ورتالىقتا, وڭتۇستىك-شىعىستىڭ تاۋلى, تاۋ بوكتەرىندە قاتتى جاڭبىر كۇتىلەدى.
تەك وبلىستىڭ وڭتۇستىك-باتىسىندا جاۋىن-شاشىنسىز. قر سولتۇستىگىندە, سولتۇستىك-باتىسىندا جانە ورتالىعىندا تۇندە جانە تاڭەرتەڭ تۇمان بولادى.
كۇندىز اتىراۋ, ماڭعىستاۋ, باتىس قازاقستان وبلىستارىندا قاتتى ىستىق بولۋى مۇمكىن.
«اتىراۋدا, باتىس قازاقستان وبلىسىنىڭ باتىسىندا, سولتۇستىگىندە, جامبىل وبلىسىنىڭ سولتۇستىك-باتىسىندا, شىعىسىندا, اقتوبە وبلىسىنىڭ وڭتۇستىك-باتىسىندا, شىعىس قازاقستان وبلىسىنىڭ وڭتۇستىك-شىعىسىندا, پاۆلودار وبلىسىنىڭ شىعىسىندا, ۇلىتاۋ وبلىسىنىڭ باتىسىندا جوعارى ءورت قاۋپى ساقتالادى», — دەپ جازدى سينوپتيكتەر.
ماڭعىستاۋ وبلىسىندا, اتىراۋ وبلىسىنىڭ وڭتۇستىك-شىعىسىندا, سولتۇستىك-باتىسىندا, سولتۇستىگىندە, قوستاناي وبلىسىنىڭ وڭتۇستىگىندە, تۇركىستان وبلىسىنىڭ سولتۇستىگىندە, ءشولدى اۋداندارىندا, قىزىلوردا وبلىسىنىڭ ورتالىعىندا, وڭتۇستىگىندە, باتىس قازاقستان وبلىسىنىڭ جانكەلدى اۋدانىندا توتەنشە ءورت قاۋپى بار.
