فوتو: Getty Images
پارلامەنت سەناتىنىڭ اياسىندا قازاقستان شاحمات فەدەراتسياسى العاش رەت ۇيىمداستىرعان تۋرنيرگە بارلىق وبلىستار مەن رەسپۋبليكالىق ماڭىزى بار قالالار ءماسليحاتتارىنىڭ دەپۋتاتتارى, وبلىستىق جانە قالالىق قوعامدىق كەڭەستەردىڭ مۇشەلەرى جانە باق وكىلدەرى قاتىستى.
قاراعاندىدا وتكەن جارتىلاي فينالدا استانا, قاراعاندى, ۇلىتاۋ وبلىستارىنىڭ ىرىكتەۋ كەزەڭدەرىنىڭ جەڭىمپازى بولعان «ورتالىق» وڭىرىندەگى شاحماتسۇيەر قاۋىمنىڭ 75 وكىلى باق سىنادى. جارتىلاي فينالدىق ويىنداردىڭ اشىلۋ سالتاناتىنا قاراعاندى وبلىسىنىڭ اكىمى, قاراعاندى وبلىستىق ءماسليحاتىنىڭ جانە قازاقستان شاحمات فەدەراتسياسىنىڭ وكىلدەرى قاتىستى.
9-تۋر راپيد قورىتىندىسى بويىنشا Senat وpen فينالىنا قاتىسۋ ءۇشىن «ورتالىق» ءوڭىرىنىڭ جيىرما بەس وكىلى انىقتالدى. سونداي-اق ولاردىڭ ىشىندەگى ۇزدىك ويىن كورسەتكەن دەپۋتاتتار, جۋرناليستەر, قوعام بەلسەندىلەرى, ايەلدەر مەن 60 جاستان اسقان قاتىسۋشىلار ارنايى سەرتيفيكاتپەن ماراپاتتالدى.
