تۋريستىك تارتىمدىلىقتى ارتتىرۋ, رەسمي جانە قالالىق ءىس-شارالاردى وتكىزۋ كەزىندە بىرىڭعاي ءستيلدى قالىپتاستىرۋ, قالانىڭ اشىق كەڭىستىگىندە, كادەسىي ونىمدەرىن, ينتەرنەت-رەسۋرستار مەن الەۋمەتتىك جەلىلەردى پايدالانۋ ماقساتىندا پاۆلودار قالاسىنىڭ اكىمدىگىمەن لوگوتيپ پەن دەسكريپتوردى قامتيتىن «ەركە ەرتىستىڭ جاعاسىندا...» فيرمالىق ستيل ازىرلەندى.
«جاڭا گرافيكالىق كورىنىسى كوپتەگەن تاريحي جانە يدەولوگيالىق ماعىنانى بىرىكتىردى. لوگوتيپتەگى تاڭبا تولىعىمەن «PVL» اببرەۆياتۋراسىنان جاسالعان. اببرەۆياتۋرا تۇركى جازۋىنا, «ولەڭتى جازبالارى» پەتروگليفتەرىنە, «قوشقار ءمۇيىز» قازاق ۇلتتىق ويۋ-ورنەگىنە جانە «قازقوناق» پالەونتولوگيالىق ەسكەرتكىشىنە نەگىزدەلگەن. قىسقا ءارى مينيماليستىك شريفت تاڭدالدى. لوگوتيپتىڭ كورنەكتى بولىگىن كەرەمەتتەي تولىقتىرىپ تۇرعان جۇرەك ءتارىزدى ەلەمەنت جانە ول وعان وزىندىك ەرەكشەلىك بەرىپ, ءوز قالاسىنا دەگەن سۇيىسپەنشىلىكتى بىلدىرەدى. قالامىزدىڭ قيماق قاعاناتىنان بۇگىنگە دەيىنگى دامۋ تاريحى ەرتىس وزەنىمەن تىعىز بايلانىستى. ەرتىس – تابيعي شوعىرلاندىرۋشى يدەيا, ءتۇرلى تاريحي ءداۋىردىڭ ءۇنسىز كۋاگەرى. بارلىق ۇرپاق بۋىنىن شوعىرلاندىرۋ جانە قالانىڭ وڭ كورىنىسىن بەرۋ ماقساتىندا «ەركە ەرتىستىڭ جاعاسىندا...» دەسكريپتورى ۇسىنىلدى», دەپ حابارلادى پاۆلودار قالاسىنىڭ اكىمدىگىنەن.
ءتۇس گامماسى نەگىزگى تۇستەردىڭ ۇيلەسىمدى جانە مينيماليستىك ۇيلەسىمىندە كەلتىرىلگەن: كوك, جۋسان, قىزعىلت سارى-قۇم جانە كوگىلدىر. بۇل – اسپاننىڭ, قازاقستان تۋىنىڭ, ەرتىس – بايان دالاسىنىڭ جانە ەرتىس سۋلارىنىڭ تۇستەرى.
فيرمالىق ستيل يدەياسى باي تاريحي جولدى, مادەني ارالۋاندىلىقتى, اشىقتىق پەن قوناقجايلىلىقتى, تابيعاتتىڭ بىرەگەيلىگىن «تاريح-جاڭعىرۋ-ورلەۋ» جالپى لەيتموتيۆىمەن كورسەتۋگە تىرىسقان.
پاۆلودار
