فوتو:class-tour.com
ءىىم ءباسپاسوز قىزمەتىنىڭ مالىمەتىنشە, تۇركىستان اۋەجايىنداعى جەلىلىك پوليتسيا بولىمشەسىنىڭ كوشى – قون قىزمەتىنىڭ قىزمەتكەرلەرى قر ۇقكڭ-مەن بىرلەسىپ تۇركىستان-ىستانبۇل قاتىناسىمەن رەيسكە تىركەلۋ كەزىندە ەرلى-زايىپتىلاردى توقتاتقان. انىقتالعانداي, 54 جانە 45 جاستاعى ايەلى مەن كۇيەۋىنىڭ قوس ازاماتتىعى بولعان.
«اقش ازاماتتارىنا قاتىستى شەتەل ازاماتتىعىن الۋ فاكتىسىن زاڭنامادا بەلگىلەنگەن مەرزىمدە حابارلاماعانى ءۇشىن اكىمشىلىك حاتتاما جاسالدى. ءىس تۇركىستان وبلىسىنىڭ مامانداندىرىلعان اكىمشىلىك سوتىندا قارالدى. سوت شەشىمى بويىنشا شەتەلدىكتەرگە 200 اەك (738 400 تەڭگە) مولشەرىندە ايىپپۇل سالىندى», دەلىنگەن حابارلامادا.
جالپى, 2024 جىلى كولىكتەگى پد قىزمەتكەرلەرى قازاقستاننىڭ كوشى-قون زاڭناماسىن بۇزعانى ءۇشىن 1483 شەتەلدىكتى اكىمشىلىك جاۋاپكەرشىلىككە تارتقان. ونىڭ ىشىندە 484 شەتەل ازاماتى سوت شەشىمىمەن ەلدەن شىعارىلعان. سونداي-اق قوس ازاماتتىعى بار 181 ادام انىقتالعان.
