فوتو:مادەنيەت جانە اقپارات مينيسترلىگىنىڭ ءباسپاسوز قىزمەتى
مينيسترلىك ەل ازاماتتارىن «تازا قازاقستان» رەسپۋبليكالىق ەكولوگيالىق اكتسياسى اياسىندا 22 شىلدەدە وتەتىن «اۆتوكولىكسىز كۇن» چەللەندجىنە قوسىلۋعا شاقىرعان. شارا «Birgemiz: Taza Alem» ۇلتتىق جوباسى اياسىندا ۇيىمداستىرىلىپ, جەكە كولىكسىز ءجۇرىپ, اۋانىڭ لاستانۋىن جانە ۋلى گازداردىڭ ءبولىنۋىن ازايتۋعا سەبەپ بولماق.
چەللەندجگە قاتىسۋشىلار كۇنى بويى كولىك پايدالانۋدان باس تارتۋى كەرەك. ۇيىمداستىرۋشىلار قوعامدىق كولىكپەن, ۆەلوسيپەدپەن, سكۋتەرمەن نەمەسە جاياۋ جۇرۋگە كەڭەس بەرەدى.
چەللەندجگە قاتىسۋ ءۇشىن #كولىكسىز كۇن حەشتەگتەرىن پايدالانىپ جانە ۇيىمداستىرۋشىلاردى @birgemiz_taza_alem2022 بەلگىلەپ, الەۋمەتتىك جەلىلەردە كولىكسىز وتكەن كۇنىڭىزدىڭ فوتولارىن نەمەسە ۆيدەولارىن ورنالاستىرۋىڭىز كەرەك. وسىلايشا, ءاربىر قاتىسۋشى ەكولوگيالىق باستامانى قولدايتىنىن كورسەتىپ, باسقالاردى دا قاتىسۋعا شابىتتاندىرادى.
