فوتو: senate.parlam.kz
سوتتاعى كەزدەسۋدە زاڭناماداعى سوت جۇيەسىن رەفورمالاۋ جانە قۇقىق قولدانۋ جونىندەگى وزگەرىستەر تالقىلاندى. ن.بەكنازاروۆ پرەزيدەنتتىڭ تاپسىرماسىنان تۋىندايتىن مىندەتتەردى ىسكە اسىرۋ تۋرالى ايتا كەلىپ, پارلامەنت قابىلداعان زاڭدار جانە «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭعا ەنگىزىلگەن وزگەرىستەر تۋرالى اڭگىمەلەدى.
«قابىلدانعان زاڭدار, ەڭ الدىمەن, قوعامنىڭ سوتقا دەگەن سەنىمىن كۇشەيتۋ ءۇشىن ءادىل سوت تورەلىگىن, سونداي-اق ازاماتتار قۇقىعىنىڭ قورعالۋىن جانە سوت پەن سوت راسىمدەرىنىڭ زاماناۋي تالاپتارعا ساي بولۋىن قامتاماسىز ەتۋگە ارنالعان», دەدى سەناتور.
پوليتسيا دەپارتامەنتىندە قوعامدىق قاۋىپسىزدىكتى قامتاماسىز ەتۋ جانە قۇقىق بۇزۋشىلىقتىڭ الدىن الۋ ماسەلەلەرى ءسوز بولدى. پوليتسيا دەپارتامەنتىنىڭ باستىعى سەناتورعا قالاداعى قىلمىستىڭ 24,8%-عا تومەندەگەنى تۋرالى باياندادى. سونىمەن قاتار جەرگىلىكتى پوليتسيا دەپارتامەنتى جۇمىسىنىڭ تيىمدىلىگىن ارتتىرۋ تۋرالى تىڭ شەشىمدەر قابىلداۋ قاجەتتىگىن, ولاردىڭ ءبىرى پوليتسيا قىزمەتكەرلەرىنىڭ سانىن كوبەيتۋ ەكەنىن اتاپ ءوتتى. سەناتور ءوز كەزەگىندە قۇقىق قورعاۋ جۇيەسىندەگى رەفورمالاردىڭ جانە قۇقىقتىق مەملەكەتتى نىعايتۋدىڭ ماڭىزدىلىعىنا توقتالدى.
ن.بەكنازاروۆ ازاماتتاردى جەكە دە قابىلدادى. وندا كوشەلەرگە ارداگەرلەردىڭ ەسىمدەرىن بەرۋ, بيزنەستى قولداۋ, جۇمىسقا ورنالاستىرۋ جانە دەنساۋلىق ساقتاۋ ماسەلەلەرى تالقىلاندى.
«مۇنداي كەزدەسۋلەر وتە ماڭىزدى. ءبىز پرەزيدەنت تاپسىرمالارىنىڭ ورىندالۋىن قاداعالاپ قانا قويماي, حالىقتى تولعاندىراتىن ماسەلەلەرگە دە نازار اۋدارامىز. بارلىق كوتەرىلگەن ماسەلەلەر قولدانىستاعى زاڭناما اياسىندا قارالىپ, شەشىلەتىن بولادى», دەپ اتاپ ءوتتى دەپۋتات.
