فوتو: سپورتتى دامىتۋ ديرەكتسياسى
مينيسترلىككە قاراستى سپورتتى دامىتۋ ديرەكتسياسىنىڭ ءباسپاسوز قىزمەتىنىڭ مالىمەتىنشە 26 شىلدەگە دەيىن ءتورت جىلدىقتىڭ باستى سپورت دوداسىنا اكادەميالىق ەسكەك ەسۋ, ساداق اتۋ, بوكس, نىسانا كوزدەۋ, تەننيس, ۇستەل تەننيسى, سپورتتىق گيمناستيكا, سەمسەرلەسۋ, ءجۇزۋ, بادمينتون, دزيۋدو, تاسجولداعى ۆەلوسپورت, ستەند اتۋ بويىنشا دوداعا ەنەتىن سپورتشىلارىمىز (50 سپورتشى) عانا بارىپ ۇلگەرەدى.
جەڭىل اتلەتيكادان وتانداستارىمىز فرانتسياعا 29 شىلدە كۇنى اتتانادى. الايدا ولگا سافرونوۆا سالتاناتتى شەرۋدە تۋ ۇستايتىندىقتان, وزگەلەردەن بىرنەشە كۇن ەرتە بارادى.
ال ەركىن كۇرەس شەبەرلەرى 5 تامىزدا عانا الماتىدان اتتانسا, برەيكينگتەن سىنعا تۇسەتىن امير زاكيروۆ 8 تامىز كۇنى پاريجگە جەتەدى.
كەرى باعىتتا ەلىمىزگە ءبىرىنشى بولىپ, اكادەميالىق ەسكەك ەسۋ جانە دزيۋدو كۇرەسىندەگى سپورتشىلارىمىز 4 تامىزدا ورالادى.
