فوتولار: كولىك مينيسترلىگى
اقتوبە وبلىسىنا جۇمىس ساپارىمەن بارعان ۆەدومستۆو باسشىسىنىڭ ايتۋىنشا, اتالعان جولدىڭ قازىرگى جاعدايى قاناعاتتانارلىقسىز, ايتسە دە ءبىر بولىگىندە قايتا قۇرۋ جۇمىستارى باستالىپ كەتكەن.
«اقتوبە مەن حرومتاۋ اراسىنداعى 30 شاقىرىمدىق جول ۋچاسكەسىن Sine Midas Stroy مەردىگەرى سالىپ جاتىر. جولدىڭ ەڭ ناشار دەپ تانىلعان 66 شاقىرىمدىق جول بولىگىن اعىمداعى جوندەۋمەن قامتىپ جاتىرمىز. قازىر ونىڭ 36 شاقىرىمى جوندەلدى», دەدى مينيستر.
قازىرگى ۋاقىتتا اقتوبە مەن اقجار اۋىلىنىڭ اراسى, پروستورنىي اۋىلى مەن حرومتاۋ قالاسىنىڭ اراسى جانە قۇدىقساي, بوگەتساي, قارلاۋ اۋىلدارىنىڭ ارالارى قالىپقا كەلتىرىلگەن.
اتالعان جولدى تولىعىمەن قايتا جاڭارتۋ جۇمىستارى كەلەسى جىلى باستالادى.
