فوتو: gov.kz
تازالىق ءىس-شاراسى مۇنايلى اۋدانىنىڭ اتامەكەن اۋلى ماڭىنداعى ء«ولى كول» پوليگونىندا ءوتتى. ءىس-شاراعا 10-عا جۋىق تەحنيكا جۇمىلدىرىلىپ, 150-گە جۋىق جاس قاتىستى. ناتيجەسىندە, مۇنايلى اۋدانىنان 45 تونناعا جۋىق قوقىس شىعارىلدى. سەنبىلىك اپتالىعى تەك مۇنىمەن شەكتەلىپ قالماي, اپتا بويى ءار ورىندا جالعاسىن تابادى.
«تازا قازاقستان» اكتسياسى اياسىندا كوكتەمدە بۇكىل ۇجىم, كاسىپورىندار اۋىل, قالا ءىشى, تەڭىز جاعالاۋىنان باستاپ, شالعايداعى تاريحي-مادەني ەسكەرتكىشتەرگە دەيىن نازاردان تىس قالدىرماي تازالىق جۇمىسىن جۇرگىزدى. وكىنىشتىسى, ارادا كوپ ۋاقىت وتپەي-اق ەسىل ەڭبەكتىڭ زايا كەتكەنىن بايقادىق. اقتاۋ قالاسىنداعى كاسپي تەڭىزى جاعالاۋىندا قايتادان سۋسىننان بوساعان پلاستيك, قالبىر, شىنى ىدىستار, تەمەكى, بالمۇزداق قوراپتارى, ءتىپتى اياقكيىمدەر مەن وزگە دە نەشە ءتۇرلى قوقىستان كوز تۇندى. ء«ولى كول» پوليگونىندا جۇرگىزىلگەن سەنبىلىكتە ماڭايدىڭ از ۋاقىتتا قايتادان قالدىققا بوگىپ قالعانىن بايقاپ جاعامىزدى ۇستادىق. باس-اياعى ەكى-ءۇش ايدا ادام ايتسا نانعىسىز كولەمدە قايتادان قوقىس باسىپ قالىپتى. نەگە بۇلاي؟ تۇرعىنداردىڭ بۇل ارەكەتى – ەش اقتاۋعا كەلمەيتىن ءىس. مۇنداي جاۋاپسىزدىقتى, ءتىپتى قورشاعان ورتاعا دەگەن قاتىگەزدىكتى قالاي توقتاتۋعا بولادى؟ اتالعان اكتسيا, سەنبىلىكتەر ۇيىمداستىرىلماسا, ءاپ-ساتتە وكپەسى قابىنا قوقىسپەن دەمالاتىن ەلگە اينالىپ شىعا كەلگەندەي ەكەنبىز. قايتپەك كەرەك؟
ماڭعىستاۋ وبلىسى
