senate.parlam
كەزدەسۋ بارىسىندا ءوڭىردىڭ 2023-2027 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىن ىسكە اسىرۋ, بالقاشتا تۋريستىك كلاستەر قۇرۋ جانە پريوزەرسك قالاسىندا تۋريستىك ينفراقۇرىلىمدى دامىتۋ ماسەلەلەرى تالقىلاندى. س.وتەشوۆ بالقاش قالاسىندا كول جاعالاۋىنىڭ قۇرىلىسىن كوردى جانە مەديتسينا قىزمەتكەرلەرىنە ارنالعان كوپپاتەرلى ءۇيدى جاڭعىرتۋ جۇمىسىنا كۋا بولدى, سونداي-اق اۋرۋحانا قالاشىعىن ارالادى. دەپۋتات سونداي-اق پريوزەرسك قالاسىندا ساپالى جىلۋمەن جابدىقتاۋدىڭ ماڭىزدىلىعىنا نازار اۋداردى.
«پريوزەرسك قالاسىنىڭ حالقى مەن كاسىپورىندارىن ورتالىقتاندىرىلعان جىلۋمەن سەنىمدى تۇردە ۇزدىكسىز قامتاماسىز ەتۋ ءۇشىن زاماناۋي تالاپتارعا جاۋاپ بەرەتىن جابدىقتار مەن تەحنولوگيالاردى پايدالاناتىن جاڭا جىلۋ كوزى تۋرالى ماسەلەنى قاراستىرۋ قاجەت», دەپ اتاپ ءوتتى س.وتەشوۆ.
سەناتور سونىمەن قاتار اقتوعاي, بۇقار جىراۋ, قارقارالى جانە شەت اۋداندارىندا بولعان كەزدە پارلامەنتتە اعىمداعى جىلى قابىلداعان زاڭدار تۋرالى اۋىل تۇرعىندارىن حاباردار ەتتى. ال دەپۋتاتتىڭ مەديتسينا قىزمەتكەرلەرىمەن كەزدەسۋىندە ونكولوگيالىق اۋرۋلاردىڭ كوبەيۋىنە بايلانىستى قارقارالى اۋدانىنىڭ اۋماعىندا وبلىستىق پاللياتيۆتىك ورتالىق قۇرۋ ماسەلەسى تالقىلاندى.
