سپورت • 16 شىلدە, 2024

وتپەي قالعان جەكپە-جەك

160 رەت
كورسەتىلدى
1 مين
وقۋ ءۇشىن

ورتا سالماق بويىنشا WBO جانە IBF تۇ­جىرىمى بويىنشا چەم­پيوندىق بەلبەۋ يەگەرى كا­سىپقوي بوكسشى جانى­بەك ءالىمحان ۇلى كە­زەكتى جەكپە-جەگى الدىندا اۋرۋحاناعا ءتۇس­تى. الەم چەمپيونى ءوزىنىڭ اتاعىن قورعاپ جاڭازەلانديالىق ان­درەي ميحايلوۆيچكە قار­سى جەكپە-جەككە ءتۇسۋى ءتيىس ەدى. بوكسشىنىڭ مە­نەدجەرى بەرىك سۇلتان جانىبەك ءالىمحان ۇلىنىڭ سالماق تاستاۋ كەزىندە ەسىنەن تانىپ, اۋرۋحاناعا جەت­­كىزىلگەنىن ءمالىم ەتتى.

وتپەي قالعان جەكپە-جەك

ونىڭ قارسىلاسى اندرەي ميحايلوۆيچ جەكپە-جەك ءۇشىن مىڭداعان شاقىرىم جولدى ءوندىرىپ اقش-قا كەلگەنىنە وكىنىشىن ءبىلدىردى. ەكى بوكسشى اراسىنداعى جەكپە-جەك 13 شىل­دەدەن 14-ىنە اۋعان تۇندە اقش-تىڭ لاس-ۆەگاس قالاسىندا وتۋگە ءتيىس بولاتىن.

ماماندار بوكسشى سىر­قاتىنان ايىعۋى ءۇشىن كەمىندە 2-3 اي ەمدەلۋى كەرەك دەگەندى العا تارتىپ وتىر. جانىبەك ءوزى­نىڭ چەمپيوندىق بەلبەۋىن قا­لايدا قورعاۋعا ءتيىس. ەگەر كەز كەلگەن بوكسشى جازاتايىم جاعداي ورىن الىپ جارا­قات­تانسا, اۋىرىپ قالسا, ەمدە­لۋىنە ءۇزىلىس بەرىلەدى. ودان كەيىن قورعاماسا, اتاعىنان ايىرادى.

سوڭعى جاڭالىقتار