سۇعىننىڭ مىندەتى – ساداق اتىلعاندا وققا سەرپىن بەرۋ. قازاقتىڭ «سەرپىن بەرۋ», «سۇعىن قاداۋ» دەيتىن تۇراقتى تىركەستەرىنىڭ استارى وسىندا. اپا-اجەلەرىمىز «قۇدايىم ءتىل-سۇقتان ساقتاسىن» دەيتىنى وسى سۇق.
سۇعىننىڭ قۇرامى: تۇمسىعى, ءمۇيىز (اعاش) اۋىزدىق, اۋىزدىققا بەكىتىلەتىن ادىرنا تۇزاعى, سۇقتىڭ قوبىلى, قىرلى قاناتى, جىگى بولىپ بولىنەدى. سونداي-اق كەرىلگەن ادىرنا قاتتى ۇرماس ءۇشىن ادىرنانىڭ ءيىنى مەن باسىنىڭ تۇيىسكەن جەرىنە, سۇعىنعا قاپتالداستىرىپ اعاش, سۇيەك, مۇيىزدەن جاسالعان قورعاعىش ەلەمەنت قوندىرىلعان. ونى «توبىرشىق» نەمەسە «توبىق» دەپ اتاعان. توبىقتىڭ (توبىرشىق) تاعى ءبىر مىندەتى – وقتىڭ ۇشۋ قارقىنىن جىلدامداتۋ.
